23歲女,中學時期拍過一兩次拖,冇發生性行為,畢業後就冇再拍拖拖,之後就識左依家既男朋友（大我一歲）,依家都一齊左3年幾
其實最初係埋一齊既時候佢都會問我要,但我又驚驚青青咁,所以最初我都有講唔好做(性行為),但我知冇可能次次都拒絕男朋友,始終佢都會有需要,再加上我有講過點解我咁驚青,但佢都好好心機聆聽同理性分析大家既想法,所以我都開始慢慢同自己講要開始接納佢想要既時候,終於係上年拍左拖2年幾既時候比佢掂下(依家諗番轉頭都覺得要男朋友咁忍法真係好辛苦))
由於我地2個都係第一次進行性行為,又冇經驗,難免會失敗好多次（起碼依一年幾嘗試左好多次),但我地一直都有努力嘗試,但每次發生性行為既時候都只係佢單方面想要,而我就一直處於唔想要又唔係話討厭,但我只係單純咁冇想要既感覺,所以男朋友成日都問我,係埋一齊3年幾當中,我真係一d主動想要既念頭都冇?其實連我都唔知點答佢好
到最近應該算係比左第一次比男朋友,開始張陰莖放入去係有少少痛,之後我適應到就冇咁痛,不過到最後佢放哂成條陰莖入去,我見佢就好舒服既,但我就冇乜感覺,連佢抽插既時候我都冇感覺,上網睇過話sex係一種享受,但到做落既時候又冇書面描述既情況發生,而我事後只係問佢今次算唔算成唔成功？因為之前未試過成條陰莖放哂入去,多數去到一半我就話痛要停,而佢話就應該算成功既一次,見到佢好開心滿足我就開心,因為我知佢忍左好耐,所以我同自己講無論點都好,都想滿足左佢先
其實每次前戲我係好有感覺同真係好想要,但每次去到要放入去先尼冇快感,會唔會係我單方面既問題？咁算唔算性冷感？
唔好意思,打左咁大篇野,要大家睇得咁辛苦🙇🏻