之前開左個po話男友體外射會唔會有bb 到依加我已經5日未黎M少少都冇 我已經好努力放鬆心情但仍然未黎 我一月到六月黎m都好準 我未試過會遲 點算啊 我真係好驚有左bb 我聽日就買驗孕棒
Hello我記得你個post啊，其實遲咗5日都唔係太多嘅，不過你話你一直以來都好準，都好難怪你會覺得擔心。
其實好難講話大唔大機會，始終每個月身體狀況唔同好難有一個確實嘅答案。雖然你男朋友係外射，但其實係射精前陰莖已經會流出含有少量精子嘅分泌物，不過如果你本身月經係十分規律，13號係安全期的話，理應係機會比較低嘅。不過都係個句，排卵同月經會被太多因素影響，無法作準。下次最好都係用返安全措施咁就唔洗心掛掛啦:wink:
雖然驗孕棒最佳使用時間一般係預計受精時間11日之後，但其實最快可以係性行為後7日，或者預期經期開始果日進行檢驗，可以買多一兩個牌子去驗，如果兩個都係陰性，咁就應該係無懷孕架啦。或者去醫院驗血，結果都準確嘅。
至於如果真係意外懷孕，雖然你擔心屋企人會唔接受，但最好都係先同佢哋同男朋友商量，再決定要點做。
Thank you 因為我真係未試過會遲黎m所以我真係好驚 如果我係中左我覺得我爸會報警同埋會打我男朋友 所以我真係好驚
點解你覺得爸爸會報警呀？你幾多歲？
盡快買驗孕棒去驗啦，好過心掛掛！
我聽日就會買 我唔敢係屋企驗 我17歲 我爸由細到大都好惡 好細個就會話如果有左我一定打死你兩個 最多要坐監 所以我好驚比佢知道
17歲的確係過咗合法年齡嘅，不過始終未算成年，爸爸會擔心都係正常嘅。如果唔係屋企驗，你要揀一個乾淨嘅地方同跟足指示去做，減低結果出錯嘅機會率。
我驗左兩支都係一條線 即係冇事？
正常一條線就無事嘅，如果你唔放心，可以隔幾日試多次再三確定：）
多謝🙇🏻♀️