事後丸。急急

星期六。同男朋友ml點知安全爆左 3-4個小時食左事後丸 一直都肚痛。 點算 係藥房都買既事後丸

其實事後丸係含有劑量較大嘅激素,所以服用事後丸之後,可能會出現噁心或不適等嘅副作用都係正常嘅。不過係香港,事後避孕藥屬於醫生處方藥物,一般聲稱有售事後丸的藥房或網店,由於冇醫生駐診,所以所賣的藥唔一定可靠。

如果你嘅肚痛情況持續,建議你去睇醫生,話俾醫生知你食咗邊一款藥,再等醫生檢查。

買左個安立婷…只有一粒

如果你仍然覺得唔舒服不如直接去睇醫生啦,話俾醫生知你食咗邊個牌子(如果有keep住包裝盒可以帶埋去)嘅事後丸,等醫生檢查一下會放心啲:wink:

我想問下。食左事後丸。可以再食止痛藥嗎?現在一時時痛

你星期六食事後丸,今日已經係星期二,已經係第4日,食止痛藥應該冇問題。但正常情況下事後丸嘅副作用只會維持大概24小時左右,然而你今日都仲覺得肚痛,可能係身體有其他唔舒服,建議你都係去睇下醫生會好啲。

咁我想問下。大約幾時會黎m​:disappointed_relieved::disappointed_relieved:好怕 第四日仲未黎

正常服用事後丸係唔會影響月經嘅,幾時會黎就要視乎返你自己本身嘅月經周期

我先17。 經期仲未穏定:disappointed_relieved::disappointed_relieved:。今個月仲未黎…上個月就月中黎左。所以好怕。

其實有很多因素導致經期唔穩定嘅,例如休息嘅時間足唔足夠、心理壓力、有無熬夜、生活習慣改變等等都可能會影響到經期。

而你係發生性行為72小時/120小時之內服用事後丸,避孕嘅成功率都可以維持係85%。所以如果你跟足指示服用事後丸,照理都唔需要太擔心嘅,過份憂慮都會影響到經期嘅。

你可以係手機download一啲經期紀錄的app,可以對自己嘅經期更加了解,亦可以做好準備。如果月經一直不規律的話,都可以考慮去看醫生。