星期日搭正排卵日 大家有著褲 女上男下咁坐
男友用手指入我陰部 其間佢有用有拎起個佢個度 方便我幫佢 然後佢繼續用翻同一隻手繼續入我
另外 我有摸過佢 望到佢個度有濕而且好熱
但液頭係令令到 而且透明嘅
之後我有去廁所掂過自己陰部 但掂之前忘記洗手
全程佢都冇射過精嘅
1想問以上情況會有機會懷孕嗎?
2上面所指液體其實係咩黎 會有精子嗎?
3事後丸有用嗎?
我係初心者 所以非常擔心 thank you
1）雖然你同男朋友隻手都有接觸過過男方嘅陰莖，但整個過程都冇射精，即使有精子都只係來自前列腺分泌，但含有精子數量太少，而且精子接觸到空氣後好快會死亡。所以懷孕嘅機會唔大。
2）受性刺激而勃起嘅陰莖通常前列腺會自動流出一啲透明液體(尿道球腺液)，裡面係有少量精子存在。
3）係發生性行為72小時／120小時之內服用事後丸，避孕嘅成功率都可以維持係85%。
1 我今次呢個情況 需要食嗎？因為聽講幾傷身.
2 我呢兩日白帶分泌多左好多 會吾會有咩特別
3 上網睇陰部係酸性可殺精，但我每晚都會有潔陰産品
會有影響嗎？
4精子嘅生命力會係取決由衝力嗎？
謝謝你的耐心回答:pray:t2:
1）我個人覺得唔需要，因為精子同你嘅陰道無直接接觸。但如果你真係好擔心而食咗會令你安心啲嘅，咁你可以自行做決定。
2）白帶分泌多咗有好多原因，例如周邊環境，排卵，飲食等等，所以不用太擔心。
3）陰道壁的酸鹼值約為4.0，呈弱酸性嘅環境對精子存活比較困難，但並唔可以話係有殺精嘅作用。而弱酸性嘅作用係保護陰道受細菌感染，酸性環境下有助益菌生長，從而抑制念珠菌、滴蟲等害菌。過份及過量使用清潔劑，可能會對陰部會有不良影響，但暫時無研究指潔陰産品會令人更易受孕。
4）你指嘅衝力係指射精時嘅力度？精子嘅生命力有好多因素可以影響到，例如外在環境，身體狀況等，但衝力可以影響生命力真係無聽過。
1個讚
Thank you kitty~
想問多一句
如果精子進入陰道後來生存機會減弱
會有其他因素令精子活躍翻嗎?
如果精子死左之後 會點離開我？
如果粒精子死左，基本上都無咩原因可以令佢復活架啦。。。如果無受孕就會隨住你陰道嘅分泌物加上地心吸力流出你體外。
謝謝你:blush:
你好
又係我
呢兩個星期我都盡量放鬆
應該上星期尾會黎m
而且我不嬲都算準 所以我有點擔心了
平時 可能胸脹一星期就黎
但今次就快兩星期 而且有時痛有時吾同🙈 加上今次係月頭開始已經骨痛
咁樣係正常表現嗎🙏🏻
另外我想問下器官嘅問題
我沖涼嘅時候沿住陰阜摸過入去 會摸到陰蒂的
陰蒂上面個個位好似有個洞口
我想請問個個位會通去邊度 還是只係陰唇外皮?
我個度會有時覺得痕 同敏覺入面up傷左咁
沖涼時候會用清潔劑個個位 但冇改善
請問個個位 叫吾叫陰道炎？？
麻煩你地
難得搵到呢個渠道 好多野都想問 謝謝🙏🏻
有關月經方面，而家比起你預計會嚟M嘅日子只係遲咗幾日，其實唔需要太擔心嘅，而症狀個啲其實都唔可以完全作準，每個女仔每個月嘅症狀都可能會有唔同架。
你指嘅陰蒂上面有個洞口係點樣嘅？因為陰阜同陰蒂中間應該係陰蒂包皮嚟嘅。如果你覺得有痕癢同覺得有啲傷口嘅建議你直接去睇醫生啦，可能係細菌感染或者刮傷咗。