我好驚有bb 我唔想咁早有 我得18

唔好意思 ~文好長…

我得18。我好驚有左bb…我已經有成個月冇黎(對上果次係6月頭,本身今次應該7月頭黎),好耐之前我都試過等2個月先黎,但因為今次有進行性行為。我唔想咁早有bb ~7月中,我同我男朋友第一次性交,佢有帶安全套,仲出左黎先射 ,佢話睇過個套冇穿。之後哩幾日,我地黎第2次都有做足安全措施,但佢今次冇射。但因為我太耐都冇黎m,我好擔心我有左,我上網睇話 有左會遲黎m,個人又會好攰,食慾會多左,我都有 ~但我真係好擔心 我唔知可以點做好。。。

如果正確使用安全套,又無射精嘅話,懷孕機會好微,可能你太擔心啦。不過如果真係擔心懷孕,可以驗孕。一般性交後兩星期就可以去驗孕,真係有咗嘅話就會驗到。我建議你買支驗孕棒,如果係有淡淡兩條線就可能有咗。然後你可以去家計會驗多次,佢地一般都準確。

其實呢個世界無100%嘅避孕方法,而避孕套失敗率唔低。如果你唔介意,我建議你可以食低劑量事前避孕藥加避孕套。呢個應該係目前為止比較安心嘅做法,只要定時食藥就無問題。喺家計會買藥比市面平好多,你可以去預約醫生,睇下邊隻藥對你最合適。