上一次黎M已經係26/6 一直經期都唔太準
最近得19/7有SEX過
分別係11/8同20/8都用Clearblue 週期驗孕棒驗過 第二次用埋晨尿驗 結果都係NOT PREGNANT
但到今日都仲未黎M
期間8月中有KEEP住黎少少啡色既分泌物 唔多亦唔深色 加有少少經痛既FEEL
想問下係咪可以排除懷孕既可能性? 因為我見CLEARBLUE已經好sensitive 兩次都話無應該真係無
除左去打催經針, 仲有咩方法可以令M快D黎? thanks
你提及經期一向都唔太準，以往有無試過類似今次嘅情況出現？
19／7發生性行為時有冇做足安全措施？如果有，你又兩次驗孕結果都係陰性，基本上就可以排除懷孕嘅可能性。
至於點解冇嚟m，其實月經會被好多因素影響嘅，例如係服用過藥物，生活習慣改變，缺少休息時間甚至情緒起復都會對月經有一定影響。如果你長期都係處於月經唔準，一時有一時無，有時只有分泌物，建議你可以去睇睇醫生，睇下會唔會係身體有其他問題。
月經由荷爾蒙控制，其實好難用一啲普通方法去令佢快啲嚟，坊間好多方法都係無科學根據，而且每個女仔身體狀況都唔一樣，同一個方法唔一定適用係所有人身上。如果真係好擔心，都係直接去睇醫生會穩陣啲:blush: