完經後第一日屬於安全期嗎?

經期過後第一日(其實都未完全清晒,仲有小量深啡分泌)沒有避孕情況下插入了一兩下,沒有體內射精但唔肯定有無前列腺分泌。由於未想生育,所以有d擔心會懷孕。雖然日子上看似懷孕機會較低,但我都係小小擔心因為我地兩個都後生,所以容易受孕。我嘅擔心係咪多餘?

有差不多年紀的朋友(25-30歲)試過單靠計算安全期避孕,婚後半年先懷孕;亦有人好似我咁“安全期”都可以有bb,係咩原因?安全期正確計算方法係點?

其實用計算安全期去避孕並唔係一個可靠嘅方法,因為每個女仔嘅月經周期唔一樣,而且月經好易受外在因素影響,週期亦會隨之而改變,變相亦較難準確推算出一個絕對『安全』的日期。而且係難以發現有改變,直至到月經未嚟個一日。加上每個人嘅排卵時間都唔一樣,而月經同排卵期有機會會撞期,所以即使啱啱完咗月經亦有機會受孕架。

而通常女性每次嘅生理周期總共會有兩個安全期,以生理周期二十八日嚟計算,第一個係月經後安全期,由月經第一日至第六日;第二個係月經前九日,即係第二十至第二十八日。

你嘅情況懷孕嘅機會率都比較微嘅,一嚟當時你仍然有月經,二嚟只係陰莖只係進入咗你體內一兩下,而且無係你體內射精,相對上都係安全嘅。前列腺分泌內的確會含有精子,但數量比較少,係你嘅情況應該唔需要太擔心:blush: