有左???

我和女朋友於19/9 發生性行爲 她的經期一向幾準 通常都是28天 理應有22號黎m 但10月7號還未黎經 我兩天前用驗孕棒清楚顯示只有一條線 在第十四天驗的 那天做了兩次 都是快射了拿出來 然後用手解決 我們用的是’快易準’驗孕棒 雖然顯示一條線 但會不會有食詐糊的情況 不過她也沒有出現懷孕的先兆 是不是我們過度擔心 才出現延遲嚟M的狀況?

上次黎經是8月25號

你哋發生性行為時無使用任何安全措施?因為即使係射精前陰莖已經會流出含有精液嘅分泌物,足以導致懷孕。不過你哋用驗孕棒測試結果係陰性,其實都唔需要太緊張。如果擔心可以使用另一牌子,跟足指示用晨尿去驗,亦可以去醫院/診所抽血,結果都會比較準確。

至於月經未嚟嘅問題,最近女朋友有冇發生一啲令佢情緒波動/生活習慣有改變嘅事?其實有好多因素可以影響到月經,不過對方一向經期比較準,都明白你哋會比較擔心嘅,嘗試放鬆一下心情啦。

我地個日係計算左個period 先吾做安全措施 不過佢以前吃左粒避孕藥 五月定六月個時點吃完後個period月頭變到月尾 但其後個4個月都幾準28日上下來 另外 佢27號有d黎m的症狀 但後來沒左到依家九號都係甘。 我想問會吾會身體會調整反個period甘未黎? tks so much

食咗粒避孕藥?只係食咗一粒?
服食避孕藥後會改變經期係正常嘅,因為藥物會令個經期變得規律化,一旦停藥後經期亦需要時間去調整回覆自然正常。但你提及停藥其後嘅4個月都已經變回28日來m,直至今個月突然又有變化,相信就唔關避孕藥事。

其實驗孕結果係陰性,排除咗懷孕嘅機會而又未來月經,擔心的話最直接就係去睇醫生檢查一下,有時身體其它嘅狀況都會影響到月經。

另外提一提你,其實用計算安全期去避孕係唔可靠嘅。因為經期每個月都可能會有變化,就好似今個月咁,而且只能係來m後才能推斷返上個月嘅「安全期」,並唔可以確實預計下個月嘅日子,相對上係唔安全嘅做法。