本身自己唔算太毒個樣,係鍾意讀書,數學同物理,完全唔係毒
第一次拍拖
我發覺我對感情一竅不通
想請問有啲咩野係可以同另一個半做?
(底線係sex,as大家都唔想)
你知道她的嗜好嗎?
唔知ar,但佢鍾意癡身
試下去游水… 看下戲之類 摸索下
試過沙灘,但佢係一個超級易出汗嘅女仔,勁怕熱
想就佢
你覺得她是好動… 還是好靜的人?
好動,但真係好怕熱
室內泳池都可以的 (例如九龍公園… 石塘咀游泳池)
我自己都好怕熱好容易出汗，所以好抗拒同男朋友出去做運動，最多都系踩單車，因為都算有d風，而且可以租男友做車夫ge單車，自己做大小姐坐後面寬凳個種，都ok。我建議你地可以夜晚出街行，維園、旺角夜晚都ok浪漫。日頭可以去睇早場電影，又便宜又有冷氣，都唔錯，適合學生。如果女朋友鍾意行下街，可以室內陪她去葵芳或者旺中，影下貼紙相。如果女朋友鍾意小動物，去下旺角太子寵物店街都幾開心架。
夏天來啦，出街好難唔熱唔出汗，如果女仔好動，可以去下d一齊做義工，雖然好似好娘，不過多d相處就可以向對方展示你ge優點，哈哈。
你發掘下大家有咩共同興趣或者話題，去下d關於呢d野ge地方。你問多d關於她的事情，會令女朋友覺得你體貼，形象加分。
哈哈，希望幫到你 
3個讚
另外夏天如果你買定可愛蚊貼、蚊怕水、無比滴、風扇仔，簡直就係細心體貼男朋友！ 
2個讚
初戀總是美好的 <3
adore你咁用心去諗點同女朋友開心啲 咁已經係做一個好嘅男朋友好重要嘅一步
miki嘅答案好詳細 同埋係係女仔嘅角度出發 
可以留意返 有啲研究話男仔係鍾意行動 女仔係鍾意溝通 好似男仔有時會諗做咩好有咩節目咁 女仔可能只係想一齊相處下傾下計 （有本書叫男人從金星來，女人從火星來，有興趣可以睇下） 所以有時做咩未必係做咩最重要 有時你有冇用心聽佢講嘢 佢講過啲嘢你記唔記得 得閒發自真心咁關心下佢 又同佢分享下自己嘅嘢 可能仲重要
話時話 你哋一齊咗幾耐唷
1個讚
你覺得自己咩都唔識.
我們當初何不都一樣.
嘗試由觀察,溝通,了解你女朋友開始吧.
最簡單的方還是直接問佢啦
2個讚
先了解左她
喜歡&唔喜歡的地方…
一家要溝通…直接問的… 或者問她身邊的朋友
二個月la就快
你們暫時沒進展??
兩個月都好fresh唔係好了解佢都可以理解嘅 拍拖系要比好多時間伽
1個讚