我11月尾有黎過到依家1月都未有，12月中有d啡色分泌物（同差唔多黎完m既好似）持續左幾日。其實係咪唔常？我成日都遲黎。我想問下 我經常夜訓、間中有安全性行為 係咪都會影響經期？
經期可以被好多因素影響嘅，你提及嘅夜訓，或者壓力，藥物等都會影響到經期。不過暫時無任何研究指出安全性行為會對經期有影響，所以可以排除呢個原因。你以往嘅經期係咪都係唔準嘅？因為唔係所有人都會每個月嚟一次月經，有啲人幾個月甚至半年一年先嚟一次架。如果今次呢個情況以前無出現過，又確保咗唔係懷孕，可以考慮去睇下醫生，會唔會係荷爾蒙方面有問題。
我之前諗住等多排，去到依家3月都未黎，我係咪要去睇醫生啦？
唔好意思遲咗回覆，你而家來咗m未呀？
見到你提及過你以往都係成日遲來m，都係好似今次咁隔幾個月先一次？如果都規律地隔幾個月先來一次就唔使太擔心嘅，但如果係好唔規律，可以考慮去睇醫生呀。
我好耐之前試過（大概2年前）都係好耐先黎一次 ！但之前有一排又正常番，依家我都仲未黎 ～因為哩排要考試都未有時間去睇醫生。。
你話2年前都有試過類似情況，當時你有無去睇醫生了解下係咩問題呀？
不過呢排你考試，因為壓力而影響月經都唔出奇架！或者等你考完試再觀察下，都係未嚟就去睇醫生啦！
2年前最多都係2個月先黎一次 ～但依家仲未黎，已經由2017年12到依家啦😭
我想問下應該去睇中醫調理身體定西醫婦科好？thank you😭唔該曬啊 要你地不斷解答我問題 ！
其實睇中醫定西醫都可以嘅。可以考慮試下先去西醫做身體檢查，唔係有咩病的話就去睇中醫調理。
我之前有同過男朋友有性行為，我好驚我唔小心有左bb 我唔想屋企人知道 佢地知道我好耐冇黎 話陪我去睇 我好驚比佢地知道
由上年12月到而家4月你都無嚟過月經，如果真係因為懷孕的話至今已經起碼有咗4個月，應該會出現其他懷孕嘅跡象，但係你只係無月經，所以唔需要太擔心呀。不過，如果你好擔憂，可以先買驗孕棒測試確保唔係懷孕，之後再同家人去睇醫生。