如題
最後一次親密接觸係25/10
但係因為果時佢黎完m 冇耐，所以手指入都冇入過，淨係用手幫佢捽
再上一次係5/10
我地都淨係用手掂對方
磨都冇
跟住20/10，27/11，31/12 都有黎m
但係到左最近，佢有一排成日作嘔，但係冇真正嘔過
咁嘅話其實會唔會係有左
如果性器官沒有接觸的情況下, 照計是不會懷孕的
要看你們最近一次的接觸是怎樣
我地都只係用手指幫大家
我淨係用手指插入佢嘅陰道
佢10 月11 月12 月都有黎m，咁其實係咪100%冇bb 架啦
定係果啲唔係真係m , 而係咩咩咩假月經
你哋無發生性器官直接接觸過嘅性行為，單靠手指係唔可能導致懷孕架。加上對方連續3個月都有月經就證明係無懷孕啦。
但係佢今日都仲未黎
佢琴晚無拿拿好傷心又喊（佢自己都唔知為咩而喊）
今日就有一段時間胸痛
但係就今都仲未黎（40日） 啦
佢平時34-36 日
其他嘅嘢例如壓力、生活習慣改變、焦慮等都有可能導致你以上所講嘅嘢伽，係你個個案，可能性真係唔高。放鬆下心情，專注生活上其他事情呀 
1個讚
壓力真係對月經咁大影響？
41 日了
好擔心
今日42 日啦但係都未黎
今日淨係見佢燥左啲同塊面多左暗瘡
佢上個月有一段時間成日作嘔
最近一兩日又作嘔咁
跟住塊面有多左好多暗瘡
琴日身體體溫又高左去到99
琴日又突然燥底
個肚有幾次痛
其實咁樣係有左定係谷m
其實你哋最後一次親密接觸係25／10，首先當日嘅接觸中精子從來都無進入過陰道，科學上根本就無可能導致懷孕。其次假設當日真係懷孕（雖然係無可能），而家事隔4個月無可能見唔到其他懷孕嘅徵狀，例如最明顯嘅「大肚」。所以結論係當日嘅行為根本無導致對方懷孕。其實你想知係咪懷孕最簡單直接就係買一支驗孕棒測試，事隔4個月如果真係有咗一定驗得到。
月經日子唔穩定其實係好平常嘅事，你話佢多數係34－36日，而家都只係42日，遲咗6日，唔算係好大問題。如果遲咗一個月都未嚟，可以考慮去睇醫生檢查係咪荷爾蒙或者身體其他地方有問題。
你咁緊張其實都會令對方好大壓力同緊張，嘗試放鬆心情，先可以令對方都一齊放鬆心情架。
我冇同佢講呢件事呀
淨係得我自己一個驚同擔心
唔想搞到佢大壓力
但係其實佢就快考dse
會唔會係呢個原因導致到佢咁
不過我問佢大唔大壓力佢又話（唔知自己有冇壓力，但係就好驚）同埋佢成日瞓唔著
其實考DSE呢啲公開試壓力真係好大架，覺得擔心或者驚都係好正常嘅，影響到月經或者睡眠亦係好常見嘅事。你都唔需要獨自為咗呢件事而感到擔憂啊，因為雖然你無直接同佢討論，但其實你嘅情緒會默默地係其他溝通中反射到對方身上架。比多啲支持同鼓勵佢，DSE好快就過架啦！
Sorry 呀我知我好長氣
但係會唔會有機會上3次黎m 都係懷孕期出血果啲架
我真係唯有陪住佢等？
遲左成一個禮拜係唔係都正常架 
再答多你一次，唔係懷孕，係無可能懷孕。
你諗下如果佢真係有咗，呢三個月都係你所謂嘅懷孕期出血，而家都已經3－4個月，邊有可能見唔到肚？同埋一定會出現其他懷孕嘅跡象。另外，你所指嘅懷孕期出血係唔會好似月經咁定期出現，而且持續幾日。
所以結論係：佢，無，懷，孕！佢，無，懷，孕！佢，無，懷，孕！
（如果你哋真係咁擔心懷孕，不如去買支驗孕棒驗清楚，或者去診所驗血，咁就一清二楚，可以放下心頭大石，唔駛再每日係度懷疑係咪有咗）
另外，月經遲咗一星期其實真係好平常，唔係所有女仔都會每一個月嘅同一日來月經，每一個月經周期亦唔係100%一樣。
對方有冇好似你咁咁擔心自己月經未來，或者可能係懷孕？如果對方都無擔心，其實你都可以放鬆啲唔使咁緊張。月經遲其實真係好小事。
最後，其實要導致懷孕並唔係你想像中咁容易。係正常情況下，女生每個月只會排出一粒成熟嘅卵子，之後要係排卵後係子宮內膜準備破裂脫落變成月經前成功發生性行為。當中陰莖（或者至少有精液流入）要進入陰道，係射精後確保精子同卵子成功結合，然後成功著床。當中可以導致懷孕失敗嘅因素有好多，例如：即使有精液係陰道入面都唔係100%保證一定可以有精子成功同卵子結合，而受精卵亦唔一定能夠成功係子宮內膜著床。
每年都有好多夫婦計劃生育但唔成功，所以其實要懷孕都唔係你諗到嘅咁輕易。加上你哋已經好耐冇發生親密接觸，特別係無進行過可以有機會導致懷孕嘅性行為，其實真係唔需要咁擔心。過份嘅擔憂都會影響你哋雙方嘅感情同埋有身體接觸嘅感覺。
1個讚
對唔住呀
我知道啦
好多謝你一次又一次唔嫌我煩咁答我
仲要咁詳細
今次明白啦 
唔好客氣，我哋都好多謝你信任我哋將你嘅擔憂講俾我哋知。希望你可以放鬆啲，唔好太過緊張，陪伴女朋友渡過DSE嘅時期啦！