前排同男朋友嘗試做愛，但試幾次都唔成功。我仲係個處女而男友都係近乎無經驗，可能係第一次嘅關係，陰道口好窄而且好乾。男友冇乜經驗所以就算有做下前戲都好似挑唔起我D性慾咁，無特別大嘅性衝動。自問心理上已經準備好晒發生性行為，甚至有D期待，所以我冇諗過會唔work。我地有試過用lube，但係都係插入唔成功。我平時唔係D少少嘢就會嗌痛嘅女仔，所以男友見我真係好痛咁都無再進入。我事後有回想下平時自慰嘅時候我都好似都唔會點濕（我一直都係以刺激陰唇陰核嘅形式自慰），但性慾應該就正常嘅，一個月大約會自慰2-4次。我開始擔心係咪我本身身體嘅問題。希望糖不甩團隊可以指點下我 
你好呀，首先希望你哋唔好俾咁大壓力自己，性行為應該係一種感情嘅昇華，應該係雙方都享受嘅過程，唔需要為咗做唔到都而感到有壓力，越急反而越容易失敗呀。
你話前戲方面刺激唔到你，可以同男朋友溝通下嘗試其他方式嘅前戲：試下一齊沖涼，為對方按摩，放鬆心情同身體；亦可以話俾對方知平時自慰嘅時候按摩邊啲位置會容易興奮；又或者一齊睇AV令大家進入狀態都係一個唔錯嘅選擇。如果唔成功用陰莖插入，可以先用手指令陰道習慣有外來物進入，同時亦可以令自己更興奮架。潤滑劑方面亦可以試下其他牌子。
其實最重要都係放鬆心情，性行為唔係可以逼出來架，當大家都係狀態入面就會比較容易成功進行啦。
1個讚
補充一點, 不單是處女, 就算是有性經驗的女性, 最初和伴侶有性行為, 也不是一次就成功 ( 唔係好似睇A片咁一次, 及次次都順順利利
如果你自已性經驗不太足夠, 可循序漸進, 用小鏡幫自已探索身體, 有潤滑的情況下, 先用1隻手指插入陰道, 而後2隻, 3隻… 陰道是有彈性的, (生仔成個B都喺果度出來, 所以會夠的)所以不必擔心 … 而後請男友用他的手指插入, 讓你慢慢放鬆習慣, 當中也可多些親密的身體接觸, 例如是接吻, 愛撫等
Good luck