同男朋友有正常的性關係 之前都冇咩事 但自從同居後 再發生性行為既時候 下面毫無分泌 而家次次做都要用潤滑劑 前戲已經不斷加長 自己都feel到係想要 但係都係唔濕…
請問你平時有冇足夠休息？因為缺少睡眠、緊張、身體狀況差左，都會影響陰道分泌。另外你大概幾歲？年齡都可能有影響。
日日都訓夠起碼6個鐘 我23歲
同居之後有冇咩生活習慣上ge改變？都有可能有影響bo
另外，你用邊一d潤滑劑？有d潤滑劑有甘油（glycerin）成分，容易引起女性念珠菌感染影響陰道健康，要小心啊。
仲有呢 你哋依排關係ok嘛 同居咗之後有冇覺得生活上心情上多咗啲負面嘅改變?
前戲大概會做啲咩? 同埋環境都好有影響伽 整靚啲張床，播啲音樂，點啲香芬 睇下會唔會好啲?
最後一點就係唔好咁緊張 唔好比之前乾過而覺得之後都會咁乾 要放鬆啲 enjoy the moment
其實只係用bb油 >.< 係咪唔好嫁 雖然而家冇敏感冇痕 但係總覺得好似bb油唔係好對路😂
又冇咩負面情緒
前戲都係摸下啜下 互相bj咁
已經試過點蠟燭 著情趣內衣 但都係咁:(((
唔好用bb油啊！！！
所有有礦物油成分例如bb油，凡士林，都會大大降低安全套避孕和預防性病的功能(只剩下10%)！因為礦物油成分會令乳膠安全套受到侵蝕，容易穿。
而且bb油裡面的成分對陰道健康有好大負面影響，不但影響ph值，仲有機會引起陰道炎！
你ge分泌物越來越少都可能同bb油有關。強烈建議你去屈臣氏買水溶性潤滑劑，對女性陰道比較好，而且唔會影響避孕套功能。
bb油並不是潤滑劑的一種啊，你係咪一開始就用bb油做潤滑劑?平時bb油擦皮膚都已經馬上鎖住水分，更何況係陰道ge分泌物呢？？
其實市面上有好多潤滑劑都適合女性作陰道性交時使用。潤滑劑主要分為3種，水溶性（適合所有性交），矽性（不可用在矽膠玩具上），油性（不可用在乳膠安全套上）。水溶性是最容易清洗並且適用於所有性交，適用於安全套，屈臣氏萬寧都有賣ge杜蕾斯潤滑劑，都有寫明是水溶性，而且有不同的味道選擇（蘆薈、熱感、水果等等），而另外比較出名的牌子是pjur，來自德國，有售賣矽性潤滑劑和水溶性潤滑劑，成分比杜蕾斯天然。矽性的潤滑劑沒有那麼容易乾，不過沒有水溶性容易清洗。
建議你試下杜蕾斯水溶性潤滑劑先，價錢大概50蚊，每次用一個一蚊銀大小就ok，唔夠再加。如果你試完杜蕾斯覺得唔鍾意，可以試下pjur。當然你如果想試下一d歐美天然牌子，就可以考慮去專門賣成人用品的專門店買一d有機ge牌子。例如sally’s toy,性事良品等等，都提供網上購物。
你分泌物ge情況如果持續太耐，建議你去睇下婦科。健康最重要 
如果你以前的分泌是正常的, 那可能就是在同居後的生活, 情緒等轉變有所影晌… 還有當然是可能在性交的頻密度上增加
事實上, 有不少女性都不容易’濕’, 而水性性潤滑劑就是針對這普遍的問題
放鬆一點心情, 有時也可以一同看一些能引起性幻想的電影/刊物, 幫助你進入狀態
1個讚