上年25/12同男朋友有少少親密接觸，對上個次月經係22/12完左。佢有係陰道口磨左一陣，同埋嘗試入，但係一路都無入到，上年22/5停左食避孕藥，一直經期都無特別亂，最多遲一至兩星期。今年31/1黎左m，量多，黎左幾日，直到依家就再無黎過m，咁樣似唔似有左？
以你所講, 如果無插入, 其實機會唔算高, 但我建議你去買枝驗孕棒驗下, 睇下自己咩情況。
精子係咪接觸空氣就會死？同埋我見好多人話有左都會黎月經，但係我又唔覺有晨吐個d症狀，不過依幾個月成日生暗瘡
精子接觸空氣後好快會死亡，而且如果25／12當日真係導致懷孕，至今都已經3個月有多，如果真係懷孕的話應該會出現其他症狀啊。最安心做法就係去驗孕，如果真係有咗，已經3個幾月一定會驗到架。另外，停食避孕藥後對經期會有一定影響嘅，如果你好擔心，可以去睇醫生檢查下身體。
谷m同埋有左既症狀太似，我都分唔到係邊樣，今日個肚重有d好似黎月經既痛
停藥我見都係影響半年左右，但係上年係無咩特別影響，反而依家愈黎愈遲
你可以先去買驗孕棒測試，確保係無懷孕。如果遲來M嘅情況持續可以去睇醫生，話俾醫生知你嘅狀況，或者係有其他因素影響。