會唔會有意外....

上個月5號黎m
今日同男朋友做愛,全程有戴套,佢後入個陣射左,佢拎返出黎個陣,我feel到陰道暖暖地,又好濕,但用紙巾抹過係透明冇色的,亦都check過個套冇穿。但好擔心點解會feel到暖暖地,上網睇過女仔嘅愛液都會暖暖地,但同時又好擔心會唔會有意外…求解答

如果你哋檢查過安全套係無穿,而且係射精後馬上離開陰道,照道理就唔會係有精液流咗出來,意外懷孕嘅機會比較低。反而你覺得暖暖地又幾個原因嘅:一)係性行為期間性器官有磨擦,會產生少少暖暖哋嘅感覺,二)你感覺到暖暖地嘅其實係精液,有啲女仔隔住安全套都會感覺到對方射精,三)女仔自身嘅體液帶有溫度都係正常嘅,始終係身體內流出

咁係咪唔需要太擔心…?

係呀唔需要太擔心,不過如果你真係好擔心,最快可以係性行為後7日買驗孕棒嚟測試,求個安心。

真係唔該晒你地成日解答啲性嘅問題,如果唔係真係唔知可以問邊個😢

幫到你就好啦 :relaxed: 放鬆心情啦,有問題再上來問我哋

如果係性行為11日後(5/5)用驗孕棒驗過冇bb,但到今日都仲未黎m,遲左3日,洗唔洗再驗多次…?唔知關唔關最近考試壓力大,所以遲左未黎…

我通常11日,18日都會驗。不過都可能因為你壓力大影響生理

性行為後11日後驗嘅結果應該都幾準確,如果仲有疑慮可以再驗一次。考試壓力都會影響月經架,嘗試放鬆心情啊 :wink: