會唔會有咗bb?

上一次係3月24號嚟m,係4月13號互相都係摷,我有幫男朋友含,佢都淨係用手指幫我。最後,佢外射咗。依家已經比起正常嚟m遲咗6日,但係平時我都算係準時嚟m,自己都有嚟m前啲症狀,例如比較熱。所以想問下咁樣係唔係有咗bb?因為唔知會唔會用手指嘅時候出咗事。我同男朋友都好擔心,驚情緒都會影響到嚟m

如果單純淨係用手指,係無可能導致懷孕嘅。但你所指佢外射,係指你哋係無用安全措施下陰莖進入過陰道,然後佢外射?如果你哋由始至終都唔無發生過任何導致精子經由陰道進入體內嘅行為,咁導致懷孕嘅可能性幾乎係零。遲來m嘅原因有好多,唔一定係懷孕先會遲嚟m,情緒都會影響月經架。

陰莖無進入過陰道呀,都係外面磨擦(其中一個有內褲)之後佢射咗。我擔心佢手指掂到分泌物而用手指幫我嘅時候中咗…

如果係咁,經由手指而導致懷孕嘅機會係十分細,首先陰莖興奮時所流出嘅分泌物入面嘅精子含量唔高,而且精子接觸到空氣好快會死亡,所以即使真係掂到手指都難以導致懷孕嘅。

因為都有啲擔心 會因為用沾有精液嘅紙巾清潔而中咗…
另外都想問下 我個日係撞正排卵期 會唔會因為咁而有更大機會有咗?

精子接觸到空氣後好快會死亡,而且接觸到紙巾會令精子更加難以再游動入去陰道,甚至進入子宮。即使你當日係排卵期,手指都冇辦法會令你懷孕啊。如果你真係好擔心,可以考慮買驗孕棒測試一下。

唔該哂你 :slight_smile: 希望盡快嚟m啦!

1個讚