唔再識鐘意人......

唔知道有無人同我有一樣嘅情況
我好似唔再識鐘意人。
我記得小學果陣我會因為男同學好靚仔,而想成日見佢,想做佢女朋友,但自從升左上中學之後,我就未試過再有呢個感覺。
唔知係咪因為人大左、多野諗左,就唔再可以咁單純咁去鐘意一個人。
其實我都知有人對我好架,但唔知點解硬係搵唔返之前鐘意人嘅感覺…
身邊有好多朋友都叫我快啲搵個男仔拍拖,其實我個心仲急過你地,但我真係唔知自己點解會咁。
同埋好想問大家,點樣可以令自己鐘意一個人?同埋想問大家其實係覺得另一半唔錯,所以同佢拍拖定係好鐘意好鐘意另一半,所以先同佢拍拖?
究竟感覺呢樣野可唔可以相處耐左就培養到出黎?

就我理解,你在中學同人相處,都有感受到有人對你好,但可能除左欣賞之外,未必有想進一步了解對方多點,或者有顧慮(如果我理解錯你可以指正我)
我目前可以回應既係:如果你暫時未遇到好有好感既人,你月前有空間了解自己理想對象係有咩响你心目中好重要既條件,佢有咩地方你覺得好吸引,當遇到既時候,就黎得清晰啊!
另外,你想問對人既好感去到咩程度而選擇拍拖,我既回應係:無論好感去到咩程度,你都要同佢相處先知道佢係咪你要搵既人。
至於有無得培養感覺或者令自己鐘意人,我建議你可以了解多些自己既喜惡,有機會為自己提供一點指引。
好欣賞你尋問的心,無論你目前有無鐘意既人,希望你生活自在

感覺話來就來,話走就走,隨心吧!