一向經期都好準，每個月都係14/15號period,
琴日同男朋友性行為完，全程用套，但男朋友入左一陣突然軟左，之後佢諗住入多幾下可以硬返，但都唔得，所以就拎返出黎，拎返出黎既時候，好似見到個套包唔哂成條JJ，無甩既但只包到一半，個套好似tun左出黎咁, 得JJ頭同中間包住，近住毛個位就無咁。
但因為男朋友軟左 所以無射到，事後都有入水落套到吱過check 過無穿。
咁既情況 有既機會大唔大？
當我入水check 套有無穿個陣，套頂端係有d分秘液，好驚個套包唔實成條陰莖，令到男朋友的分秘會倒流。好擔心。。
唔好意思好擔心，可以盡快回覆嗎？謝謝
學依度啲 Admin話齋 甘驚 買棒棒睇下有無 BB 囉
吾喺好貴 40$有找
雖然個套只係包到一半，但始終未射精，即使有前列腺液嘅分泌，佢嘅容量亦未至於可以倒流出來。今次嘅情況能夠導致懷孕嘅風險相對比較低，不過下次如果再係性行為期間發現陰莖軟咗，盡快抽離陰道會比較安全。
謝謝你的意見
其實有考慮過食事後藥，但係真的覺得對子宮唔好，唔想隨便亂服用，謝謝你的回覆。
事後丸要係指定時間內食用先有效（72／120小時），而且如果只係一次性嘅緊急避孕用途對身體嘅影響都係短暫性（例如係係有啲唔舒服），暫時無研究指出服用一次事後丸會對身體／未來生育有影響。而且事後丸係醫生處方藥物，服用前需要徵詢醫生意見，確保你嘅身體情況合適醫生先會開藥。
不過你哋今次會導致意外懷孕嘅機會的確唔高，唔需要太擔心呀，下次小心啲就可以啦 
1個讚