呢個月發生左兩次親密接觸，冇性行為
佢6/5 黎左一次m
之後10/5 我地有親密接觸，大家只係用手幫大家。我每一次用手指入果時都會洗手，但係果一日有一次唔記得有冇洗，但係我好肯定我隻手係乾。同埋佢下面都仲有唔少m 血
第二次係30/5，果一日我都好小心。我唯一一樣懷疑嘅係：佢幫我口交，我冇射到架，然後過左幾分鐘之後我地wet kiss ，之後我再幫佢口交。會唔會咁樣做而導致懷孕架
因為佢4 月尾考完DSE，今個月又去左玩咁，照計唔關壓力事。仲有佢成個5 月都有啡色分泌物。點解宜家仲未黎m ，今日38 日啦但係平時係38-39 日黎，佢宜家冇哂壓力唔係應該會做番少少黎m 嘅咩
其實我哋都傾過好多次，無發生過「冇做任何安全措施之下將陰莖插入陰道再係陰道內射精」嘅性行為係好難導致懷孕嘅。
你講嘅第一次親密接觸內只係用過手指，無任何精液嘅接觸，係無可能會多以懷孕。而第二次接觸內，由佢幫你口交，你哋再wet kiss，然後你再幫佢口交期間，即使係曾經有接觸過前列腺液，內含嘅精子亦肯定已經死咗。精子接觸到空氣或者其他物質，例如係口水，係好快會死亡，所以都係無辦法導致懷孕。
月經可以被好多因素影響，你提及嘅壓力只係其中一個。其次即使好似你所講佢而家嘅壓力水平已經減低咗好多，假設佢之前身體長期受壓力影響，亦唔係可以咁快恢復到。身體嘅變化唔係禁個制就可以改變，需要時間慢慢調節。加上你話佢一向週期都係38－39日，今日只係38日，女仔嘅週期亦唔係每個月都一模一樣，唔需要過份擔心。
其實如果你好擔心佢月經長時間唔穩定，你可以建議佢去睇醫生，詳細檢查會唔會係荷爾蒙有異常情況出現多次月經唔準同埋有異常分泌物。
我明你嘅意思，但係佢之前每一次黎m 都會個胸好脹咁，佢今次完全冇呢個感覺。宜家搞到連佢都驚驚地😖
其實你哋長期為月經嘅事感到擔憂都唔係辦法，既然已經排除咗懷孕嘅可能性，可以考慮下睇西醫檢查一下，或者睇中醫調理身體都可能可以改善月經嘅情況。
同埋見你都為對方係咪懷孕嘅事好擔心，每隔一排都會搵我哋傾訴，明白你可能有好多憂慮，而forum呢度亦未必係一個可以俾你盡訴心中情嘅地方（我哋都想保障返你嘅私隱 
）。如果你想的話可以去 https://www.facebook.com/gutsarmy/ 到pm佢哋傾偈，佢哋men’s team嘅同事好好人，而且隨時都歡迎你同佢哋傾心事架。一對一，亦會回覆得比較快，可以深入了解你嘅情況。我哋都希望可以幫到你，唔駛個個月都擔驚受怕 
當然我哋都歡迎你繼續來開post等大家一齊幫你解決問題。
佢哋仲有電話，whatsapp，telegram同wechat架！唔駛怕會尷尬 
但係女仔月經真係會冇咩理由咁延遲架？ 
身體嘅內部嘅運作，特別係荷爾蒙，可以被太多因素影響。你以為嘅無理由，可能其實生活上嘅小細節都為身體帶來咗唔少影響。
唔好意思呀又係我啦，我女朋友今日44日都未黎m，佢平時同係3字尾4字頭咁，呢個幾月最過分嘅都淨係 （我射完之後有去左一次小便，再一個鐘之後，我著住底褲同面褲而佢咩都冇著咁同佢磨，到最後我條面褲上面見倒有少少少少少濕左嘅印，唔肯定係佢濕定我濕）同埋前日我個乾嘅龜頭掂倒佢外陰一下。
佢呢個月又咁岩收倒成績話入倒大學，個環境轉哂不突止，之後又ocamp ，玩到冇得瞓咁，跟住開學前到宜家又日日因爲reg 科啲野而緊張
咁佢到宜家都未黎m 嘅原因係因為有左BB 定係我岩岩講嘅野:confounded:
呢個情況都唔會導致懷孕啦，因為係隔住衣物架嘛，性器官係無直接接觸到，當然就唔會有體液交換。
至於呢個情況，會懷孕嘅機會亦係近乎零，因為時間好短而且你強調當時係無任何分泌物，即時有，接觸到空氣都好快會死，無辦法進入到子宮。
至於你講嘅環境同生活習慣改變都係有機會影響到月經嘅。而且你話佢一向都係40幾日，而家係44日，其實都係個範圍入面，唔使過分擔心。月經唔係一樣咁規律嘅嘢，唔一定係次次都同一日／同一個週期數字，有少許變動都係正常架。即使懷孕機率近乎零，但你哋都可以買驗孕棒測試一下，咁就可以100%安心。同埋避免係無任何避孕措施下發生性接觸就唔使成日心掛掛啦。
但係我想問佢平時38-41日，到左今日45 日都未黎都仲係正常？同埋佢年幾兩年前係around 34日，經期唔係穩定一個period 嘅咩？我以為會成世34 日
月經係一個生理週期嚟，身體內嘅一齊都係好容易受到外界同內在嘅因素影響到。所以我哋成日強調計算安全期唔係安全嘅避孕方法，因為我哋唔係機械人，唔會所有事都係永遠一模一樣，永遠都要係月經真係嚟咗先會知返上個月嘅排卵（都只可以係大概知道）同周期日子。就好似感冒咁，你第一次感冒係3日就好返，咁樣唔代表你成世每次感冒會係3日就會好返架嘛。
而且年輕女仔嘅月經唔穩定係好常見嘅現象，即使係中年嘅女性亦唔會係每個月嘅週期數字都完全一模一樣架。比起平時週期遲咗4日絕對係合理範圍內。
咁好啦我唯有繼續等啦，雖然今日46 日
49日啦 唔想驗住
點解呀
但係如果真係有左，除左家計會仲有咩地方呀？唔驗係因為真係好驚，同埋我都算sure 唔會有bb，但係咁耐都未黎真係令我由唔驚變到驚。如果係真係因為精神同壓力引致，真係會咁耐都唔黎，真係會咁大影響？因為佢完全冇任何黎m症狀
佢今個月上左大學咩都要適應，佢每日都會有野緊張同驚，仲要最近病左，但係呢啲真係會令到佢50 日（平時40日左右，唔準）都唔黎？
今朝佢10:40 起身去左一次廁所，之後岩岩（14:30 ） 用呢枝驗左，但係佢冇5秒（因為佢痾唔倒咁耐），同埋佢痾完冇cover 番個蓋，同埋個screen 有啲黑點點。
咁嘅話呢個準唔準架，定係要再驗多次，佢51日啦
其實佢自己有冇為咗未嚟m而感到好擔心呀？因為聽你講，其實佢自己本身有好多其他嘢擔心，你就主要係因為佢未嚟m而感到好憂慮。你嘅憂慮其實都會為佢帶來好多壓力架，特別係佢已經有好多嘢擔心嘅時候。壓力同情緒同荷爾蒙嘅影響係可以好大架，而且月經本身就係一樣好容易受影響而產生變化嘅事。
如果你哋對驗孕嘅結果有懷疑，不如再驗一次啦，今次要確保跟住指示去做呀。
另外如果月經對你哋做成咁大困擾，可以考慮去睇醫生，因為你都有提及佢本身經期都成日唔準，睇醫生做一次檢查會比較好呀。