我係月經期間第二日同男朋友初試性行為，之前大家都無性行為經驗的。不過呢次性行為係唔成功，因為我太緊張，所以男朋友只係入到陰道口，我已經覺得好痛，所以冇再進一步。不過，上網睇過資料，月經期間性行為都會懷孕，加上男朋友下體有種粘液，但不是精液，而且男友沒有戴安全套。想知咁樣的情況，我會懷孕嗎？
明白你而家心情好緊張，不過無帶安全套發生嘅性行為有一定嘅風險導致懷孕。你所指嘅黏液係前列線液，係男性性興奮嘅時候陰莖會分泌嘅液體，當中係含有少量精液嘅，即使只係進入到陰道口，當中嘅精子都有機會可以去到子宮。另外，月經的確有機會同排卵撞期，不過呢個情況唔常見，多數係月經周期比較短嘅女生先會有機會出現。
如果你一向週期都唔係特別短，今次情況會懷孕嘅機會係比較低嘅，如果擔心的話可以考慮驗孕。建議下次即使係月經期間都用返安全套會 比較安心啊！