女朋友上次黎M嘅時候好似係5月尾
但係依家7月頭都仲未黎搞到好擔心…
之前有性行為都會戴左安全套先(正常厚度果隻)
唔知會唔會同考試，做運動，作息果啲有關呢
我依家人又唔係香港…女朋友又唔想自己驗孕
可以點算好呢
首先要了解番你女朋友本身月經嘅週期先，如果本身都係比較長，咁即使而家7月頭未來都唔需要太擔心嘅。雖然你哋每次發生性行為都會用安全套，但係咪有正確使用同確保無破損都會影響安全套嘅避孕能力嘅。不過，除咗懷孕之外，月經都會俾其他因素所影響架，例如你所講嘅考試壓力，作息習慣有改變等。
另外，其實驗孕都唔係一件可怕嘅事，與其一直估估下，不如積極啲去驗孕等雙方都安心啲。雖然你未能夠親身陪伴對方，但都可以係電話上陪伴著佢，或者請佢搵信得過嘅朋友陪伴去買驗孕棒。
事後檢查就無…不過我都有開幾個自己攞黎試
起碼要攞手指督3吋先會穿
同埋都有用水性潤滑劑
射精之後都有即刻連埋安全套拎出黎
女朋友經期好似有時都唔穩定
聽佢講好似以前試過2個月無黎
但係都係好驚囉…
下次事後亦可以檢查，因為如果發現真係穿咗，都可以有補救方法（例如係事後丸作緊急用途）。如果佢本身經期都唔係好準，可以先驗孕去排除懷孕機率再去了解係咪有其他原因導致月經遲咗。