請問一個禮拜自慰幾多次係正常？一日一次會唔會太多？
其實無一個standard嘅數量咩係正常，只要唔影響到你日常生活或者過份依賴不能控制自己都無問題嘅。點解咁擔心呀？
驚會唔會上癮 傷身 或者性慾多到唔正常咁
千萬唔好再自慰。
腎為先天之本，藏五臟六腑之精華。精液係用黎滋潤身體既五臟六腑，你射哂Ｄ精出黎，就會導致五臟功能失調，咁就會出症狀（變樣衰、皮膚差、脫髮 早洩陽痿等）。
以下網頁比你參考,希望幫到你
除咗一啲犯法嘅事，我哋唔主張去過度吹捧或者制止任何想法或行為。
多謝你表達你嘅個人嘅意見，不過現時無完善嘅研究結果去印證你所講嘅事，你所提及嘅症狀亦唔係只有自慰先有機會導致。而且如果照你咁講，冇咗精液就會令五臟功能失調，相信人類係唔可以再有性行為，亦唔可以去生育下一代，因為過程中都會牽涉到精液。
一日一次其實都係常見嘅次數，不過呢啲嘢好個人，如果你感覺呢個頻率已經影響到日常生活，可以去求醫／性治療師尋求協助。
至於會唔會傷身，呢個頻率都唔應該會為身體帶來負面影響。不過都係個句，如果你感覺到有唔妥，就盡快去求醫啦。