求懷孕機率 急 急 急

我同男朋友6號做左 有帶套 不過內射左2次但拎返出嚟冇穿,會吾會有機會有左?
之後今日同男朋友有帶套,但做做下個套穿咗冇射之後即刻拎咗出嚟,但好驚有左…
我26/5泥m,但一直都唔係好準 around 30日經週
利申之前前幾個月男朋友都無套插咗入嚟但個時個處女膜應該未破,但知道當陰莖掂到女性嘅陰部都有基會懷孕 想問下有冇case係有女仔因為前列腺液而懷孕?
同埋安全套嘅潤滑劑係咪有殺精的作用?

Ps佢未射令出嚟嗰陣仲係硬只不過係個套穿左
不過有冇咩做愛位置會增加懷孕機會?男朋友後入我會吾會增多有左機率?

無做避孕措施而因前列腺液內嘅精子導致懷孕係有機會發生嘅。只要精子進入到子宮就有機會導致懷孕。

另外,處女膜天生就已經有破洞(比月經流出),所以即使你未「破處」,假設有精液進入到陰道,依然有機會遲到懷孕。

某啲安全套嘅牌子聲稱自己嘅潤滑劑有殺精功能,但唔係每一個牌子都係。

有助精液流入子宮嘅體位都有機會增加懷孕機會,例如將女性嘅下身抬高,令精液更容易流入子宮。不過,要導致懷孕其實都要睇好多因素,唔係單單令精液流入就一定可以造成懷孕。

回上文個幾段🤦🏻‍♂️
我仲未m come本身上個月26/6
但我一向吾準😭5月個時仲遲本身係around12-15號個時泥但結果26/5先泥,當中係好想嘔又透吾到氣等懷孕症狀但唔知係咪太緊張所以導致
所以去左睇中e話我血氣吾足夠咁食到e家
但我最近個胃又好吾舒服(平時都係咁)所以食西藥,會吾會導致m come吾到?
但我又有泥m症狀頭痛,水腫胸肚脹etc
完全冇懷孕個d症狀
會吾會真係我太緊張?

如果你本身月經係唔準確嘅,今次都有機會唔係你預期嘅日子來m都係可以理解嘅。

呢啲都唔一定係懷孕嘅徵狀嚟架,好多情況都有機會導致,例如你講嘅太緊張或者其他唔舒服等。

你係同時食緊中西藥?如果係嘅話建議你同兩邊嘅醫生都商量下,因為唔係每一個人都適合同時食中西藥,亦有機會因為咁而影響到月經架。

另外就係嗰啲來m症狀並唔係每個人都會有,亦唔係每個月都會出現,唔可以單憑有冇出現呢啲症狀去判斷係咪就快來m嘅。

過份嘅緊張到好有機會影響月經,你係因為咩事咁緊張呀?