M到最後一日做愛 內射會有左?

我一向黎m都唔準 上個月 6月2日黎m黎3-4日左右
期間有做愛 但外射 今個月7月15日黎m 18日個日見就黎完就做愛 男友中出左又話黎m搞唔會有事 佢中出個陣無頂到最入 只係插係龜頭多少少 到今日19日 好似黎完 我好驚有左 我未夠16 我依家好後悔…我買唔到事後丸 逼住食事前丸 如果有左 我只可以到黑市…大家幫下睇下點

之後我一直坐係度 驚啲精流入 射完即刻用力屙翻精出黎

明白你好擔心,但首先其實外射本身都會有懷孕風險,因為未射精前陰莖已經會有前列腺液分泌,而當中係含有精子,足以導致懷孕,即使今次無事,都唔代表下次都係咁好彩。發生性行為需要係雙方有共識嘅情況下發生,而當中係包括採取避孕措施嘅決定,預期每次做完都驚,點解唔一開始就使用避孕措施呢?呢個係保護自己嘅措施,希望你哋會考慮。

講返今次情況,只要係內射,即使陰莖無頂到最入,精液亦已經進咗陰道,有機會進入子宮造成懷孕。雖然一向正常情況下月經期間係唔會懷孕,但每個人週期都唔一樣,有啲人月經期間其實身體已經排咗卵,而我哋往往只可以係月經嚟咗先可以大約推算番排卵嘅日子,所以即使月經期間發生性行為亦應該要做避孕措施。

另外,事前丸意思係指一般避孕藥?假如卵子已經受精的話,再食避孕藥亦唔會有功效。而且用避孕藥作常規避孕的話都有好多考慮,例如要確保自己記得每日大約時間食藥,亦要考慮唔同牌子係咪都合適自己身體。

不過,一般人嘅月經期間會懷孕嘅機率十分細,而家你可以做嘅唯有係等11日後驗孕。

最後,你提及自己未夠16歲,相信你都知道與16歲以下少女發生性行為係犯法嘅,所以無辦法去一般診所或者醫院求助。如果你想嘅,可以PM我哋FB,我哋可以再傾下同幫你轉介其他機構幫你。