事後丸副作用

我琴日去咗家計會 食左粒事後 揀左第二代事後避孕藥Ulipristal acetate
琴日食完冇乜感覺 只係成身好攰 有少少想嘔 食野冇胃口 胸脹但冇痛 時至今日 依家重加埋暈 d徵狀同懷孕初期d徴狀相似
有冇人可以同我講d副作用幾時散 胸幾時正常返 m會早黎定遲黎 我好驚有咗

始終事後丸含有高劑量嘅荷爾蒙,服食後有你所講嘅副作用係好正常。多數呢啲副作用都會係一兩日內消失,而事後丸有會令你下次嘅月經提早或延遲幾日,如果月經比起你預期嘅日子遲咗超過一星期就要盡快返去檢查。

其實你都唔駛太擔心,你係家計會拎藥,佢哋醫生都好詳細咁了解過你嘅情況先決定呢個方案比你,理應係好安全,嘗試放鬆下心情,太緊張都會令身體有不適嘅反應架。

請問服藥後會令白帶增多嗎?

令分泌物增加都係有可能出現嘅,因為事後丸入面含有高劑量嘅荷爾蒙呀~