我同男友今年18,19歲
間唔中都會發生關係 但都只係互相撫摸同幫忙
我地都好樂意 但問題係甘
我男友一直好想睇我潮吹 同擔心我高潮唔到
而我又成日都唔知自己有冇高潮到 感覺同平時自慰唔同 但係好舒服 有試過有想去廁所既感覺 但我自己都會太怕或者唔知點就忍住左
我地試過唔少方法 例如我係佢面對自慰(但最後我無辦法自慰高潮) 或者我係佢面對去一次廁所(但去唔到)
其實我自己都好想試下果種感覺真 但我真係無辦法潮吹 同確認唔到自己係咪真係高潮 但自己平時又得
其實係咪因爲我唔夠放鬆？有咩辦法令我可以放鬆？我係十分想同男友一齊享受 求幫助
首先所謂嘅嘅潮吹並唔係每一個人都會出現嘅生理反應，好多時AV入面見到嘅都係假架。至於高潮嘅感覺，人人嘅反應都唔一樣，亦無一個特定嘅標準去界定，你感受到嘅好大機會已經係一種高潮嘅表現。而且女生自慰能夠達到高潮嘅機會的確係大過係性行為期間嘅。
有時對方嘅期望或者你希望滿足對方嘅期望都會為自己帶來唔少壓力，從而影響你享受過程甚至難以達到高潮。而且性行為應該係雙方都得到滿足嘅，唔係單純為咗滿足對方而做架。性行為係一個好親密嘅舉動，嘗試放下個種想追求達到某狀態嘅心，細心享受成個過程嘅每一部份，投入係過程中都會令雙方更易滿足。