有關滿足性慾

同女朋友已經 Stage 4 (試過互相觸碰私人部位),諗緊點樣喺滿足性慾嘅同時,又安全同唔會懷孕,點樣先可以做到?(我哋已經有共識結婚先會性交(陰莖插入陰道))

另外,用梘液洗手或者酒精搓手液搓手係唔係可以殺死精子?

唔該曬

如果你哋雙方已經有共識要結婚後先會發生陰道性交,現階段可以試下幫對方自慰,或者試下用性玩具去滿足性慾。

精子接觸到空氣或者其他物質都會好快死亡,你提及嘅物質都會加快精子死亡嘅速度,但暫時無研究證明可以用呢兩樣嘢去即時殺精。