同男友7月13-14做過，冇帶套外射
本身應該7月23號黎M，上個月6月26黎左M，然後到今日都仲未黎
近半年M期都算準（CYCLE都係27-29日），
我24號同今日都驗過，兩次結果都係NEGATIVE(非晨尿）
請問幾時驗先夠準？
正常來講係發生性行為後11日去驗嘅結果會好準確，或者係預計來月經果日去驗。
無用晨尿係因為你買嘅牌子說明書內寫係唔會影響結果？
如果擔心結果唔準確，可以試下唔同牌子，再跟著指示去驗。
係呀
兩次用左兩個唔同牌子，兩款都話預計月經來後任何時間驗都準確
驗既時候都跟足指示，同埋都過左性行為後11日
咁請問懷孕機會大唔大？
請問有冇人有差唔多既問題可以解答一下？
如果係咁，結果已經係好準確。當然，你哋都可以考慮再驗一次或者去診所／醫院等驗血，結果會再準確啲。
但本身無套外射並唔係一個可靠嘅避孕方法，亦無法作為長期嘅避孕措施，要好好同伴侶商量合適嘅方法，如果唔係每個月都要擔心冇嚟月經，對雙方都會好大壓力架。
月經未嚟可以有好多因素，而本身月經都未必係每個月同一日出現，有幾日誤差都係合理範圍內嘅。既然排除咗懷孕因素，可以留意下呢個月生活習慣有冇咩改變，或者病過食過藥，好大壓力等等都有機會影響月經嘅。