我係7月7日同男朋友有咩左，只係插左幾下就出返嚟，冇射，因為冇套，但有前列線液係我入面，係7月9日就買左避孕藥，係YAZ優悅牌子，食到依家都未嚟m，我好驚有左，平時都係20號頭嚟，即20 21 22…，今日7月30日，我都未嚟，好擔心。(曾經試過14號嚟)
前幾日開始開始出現啡色嘅分泌物，有味，而家呢幾日都係咁, 我想問下點解會出現咁嘅情況？ 關唔關避孕藥事？
而且我想問避孕藥同事後丸係咪同一樣野？
希望可以快啲回覆 謝謝！！
避孕藥同事後藥係唔一樣嘅嘢嚟架。
避孕藥係要每一日都食，係一種荷爾蒙避孕法嘅藥物，利用內含嘅荷爾蒙去控制月經。
而事後丸係發生唔安全性行為後作緊急用途嘅藥物，係香港係需要經醫生處方嘅。佢內含嘅高劑量荷爾蒙可以抑制排卵或者阻止精子卵子結合，但唔係每一個人嘅身體同情況都適合，所以一定要經醫生檢查先可以開藥。
你係發生唔安全性行為後食避孕藥係無用架。而且已經過咗咁耐，已經過咗可以食事後丸嘅時間。建議你盡快去買驗孕棒測試一下先，雖然個次只係有前列線液，但當中嘅精子已經足夠造成懷孕。
甘做嘅動作係咪都影響精子去處？即係受孕機會
仲有啡色D分泌物通常代表咩？’
你所指嘅動作係指咩？只要陰莖又接觸同進入過陰道就有機會導致懷孕。
啡色分泌物可以代表好多嘢，可以係血亦可以係其他陰道分泌。
不過而家嘅情況你都係盡快驗咗孕先啦，唔好拖。我哋都無辦法去100%肯定當時有冇造成懷孕，只有驗孕先會知結果。
我依家仲有啡色分泌物，今朝有出血。但唔係嚟m
有時子宮同卵巢會痛…
你都係盡快驗孕先啦，單憑你講嘅症狀我哋都無辦法去判斷係咪懷孕。預期靠啲徵狀去估估下，不如積極啲去驗，令自己安心啲。因為你講嘅症狀可以係好多情況都會出現，我哋亦唔想俾一個唔肯定嘅答案你。