我好驚。。。

男朋友用陰莖直接磨擦我下體,我係安全期,我打算去家計會食緊急避孕藥,但如果未成年佢哋會唔會報警

我真係好擔心,有冇人可以幫下我……

我年輕時試過因為驚去左普通有配藥既藥房買事後藥
百幾蚊左右,吃左下次來經日期可能會亂左。

咁我唔會唔會懷孕

我好擔心會懷孕……麻煩搵人答一答我……

雖然陰莖無直接進入陰道,但興奮時嘅前列腺液當中含有精子,始終接觸到陰道口,唔能夠完全排除懷孕嘅機會。不過,始終係無直接進入陰道,而且精子接觸到空氣其實好快會死亡嘅,今次會懷孕嘅機會率係比較低嘅。

另外,安全期並唔係一個好可靠嘅避孕方法,下次盡量唔好用啦。如果你擔心的話,都可以去食事後丸,不過要留意時間,多數係72/120小時內要食到,視乎牌子。事後丸係香港係需要由醫生處方嘅藥物,建議你要去返家計會或者醫生診所度檢查咗再拎藥,因為要清楚你嘅身體狀況再去判斷你係咪適合隻藥。

至於你話家計會會唔會因為你未夠年齡就無報警,呢樣嘢暫時官方係冇一個答案,不過其實家計會都無權去幫你報警嘅。因為即使係性侵犯嘅事件,機構都無權力係未得到當事人嘅同意下就去報警,除非當事人嘅人生安全受到威脅。如果你依然擔心家計會會報警,你都可以選擇搵其他機構幫手,如果有需要,我哋可以幫你轉介,可以PM我哋 facebook 幫你。

咁如果我過咗120小時呢…
咁樣導致懷孕嘅出現係咪好少㗎……

過咗120小時已經過咗可以服用事後丸嘅時機啦…不過你今次嘅情況(如果單純係磨擦,無射精)本身懷孕嘅風險係好細嘅。你記唔記得當時摩擦完之後,對方有冇射精?你哋有冇有冇再做其他親密行為?定係已經即刻去咗清潔?

對方有但果時我同佢距離好遠,冇做其他親密行為只係坐係到講下嘢

我真係好擔心……

如果係咁嘅話,其實精液都唔係同你接觸得好多,只係磨擦嘅時候前列腺液有可能接觸到陰道口,而因為無插入陰道,精子接觸到大量空氣,好快會死亡,懷孕嘅風險係比較低嘅。距離發生性行為至今已經幾多日呀?如果已經係11日後已經可以用驗孕棒得到準確嘅結果。

第7日

如果我今日有m come
會唔會係果啲咩假m

雖然11日後驗嘅結果會比較準確,但7日後驗都會有一個初步嘅結果,可以考慮照驗咗先。而如果你有月經,而且係同平時嘅血量同感覺差唔多嘅話,就唔需要太擔心,應該係冇懷孕嘅。而且所謂嘅假m其實係著床性出血,並唔係一個咁常見嘅現象嚟架。

唔該晒你解答我咁多問題吖🎀

唔使客氣。你都唔使太擔心呀,太緊張對身體都唔好架 :wink: 下次記住做足安全可靠嘅避孕措施啦,咁就唔使估估下!