係咁嘅，我女友係約18號嚟完M，然後係27號嗰陣上咗佢屋企互相愛撫。然後我冇留意自己隻手有冇掂到前列腺液(因為我之前伸過幾次手入去自己條底褲度「教位」，方便我吔隔褲(有底褲同面褲)摩擦)，就去掂佢底褲同下體(始終有條底褲係度，睇唔到摸到佢邊個位，我估係尿道同陰道囗。)，借問聲會唔會令佢有機會容易有咗？畢竟前列腺液中內含精子。
我知道概率係低得好緊要但我都想問以求安心
見你都知 
係伽 機會係好低
如果好擔心下次可以用紙巾抺左見掂佢？
會㗎喇，下次會多加警惕，唔該你先
佢依家同我講話想嘔，佢愈講我愈驚，有冇機會係早期症狀？
唔使擔心，其實精子接觸到空氣／其他物質（例如係底褲）好快就會死，而且比底褲隔著，你手指上嘅前列腺液由始至終都冇辦法進入到對方嘅陰道，可以排除懷孕嘅可能性呀。而且你哋27號發生親密行為，今日只係1號，即使真係懷孕，都唔會係5日就出現症狀架！佢覺得想嘔會唔會係身體有其他唔舒服？
好嘅唔該你，佢已經嚟咗M
不過重想問定一條問題先，嚟M期間係咪都係幾乎好難有咗？
月經期間懷孕嘅機率係十分低嘅，但唔係完全無機會嫁，因為有啲人月經同排卵期會撞期，要睇番每個人本身嘅週期。但我哋往往要嚟咗m先可以推算番上個月幾時排卵，所以即使係月經期間都係建議要做足避孕措施先好發生性行為呀。
原來會撞期，真係依家先知
以我女友為例，每個月大概15-22會嚟，每月維持3-8日(睇吓早開始嚟定遲開始嚟)，咁點計幾時排卵
第一日月經為之第一日，以週期係28日嚟計就多數會係中間第14日排卵。不過呢啲都只係大概數字，好難完美兼準確地計算架。可以試下用啲app去計住月經同排卵嘅日子，而家好多app都可以根據你過往嘅經期去大概推算一個排卵嘅時間架。
原來都係用返呢招，我仲以為有其他方法:joy:
好啦，咁唔該你先
但係我想問吓月經同排卵期撞期應該係比較罕見吧？因為好少聽
係比較少見嘅，但唔係無可能架，多數係經期比較短嘅或者唔穩定嘅女性身上會發生。而且精子係體內一般可以存活2－3日，如果係射精前後排卵的話就會有懷孕嘅機會。