點樣可以放鬆心情?

上個月(8月)月經係23號,其實之次一直都吾準 試過係相隔26日就黎有時又係35日先黎(由月經起個日計) 但今個月月中左右有同男朋友扑野 冇帶套 冇中出 我知道有前列線液哩樣野… 吾知會吾會因為咁吾安全性行為令到今日仍未有月經 但我兩星期内一直feel到子宮痛(係月經黎既痛)之後下巴有生暗蒼 但我就不停有胃氣 好頭暈咁 我驚我係有左 所以我琴日同前幾日 分別驗左兩次 都係驗到冇懷孕 但我自己一直都好擔心 到底我係有左定太擔心令到冇黎月經? 如果真係太擔心有乜方法可以令自己放鬆心情

如果驗左兩次都無,懷孕嘅可能性真係好低。你用過咩方法令自己無咁擔心?一方面你可以用依兩次驗孕結果比自己知個事實情況係咁,理性上叫自己洗咁擔心。或者試下同男伴傾下,傾下你嘅擔憂,下次可以點做。

我琴日用左晨尿再驗多次 顯示都係話冇 我再等十分鐘都顯示冇 但我都係吾放心 有同男友傾過 佢都肯定話自己冇 但我都係好擔心…

其實月經會被好多因素影響到嘅,既然驗孕結果已經排除咗懷孕嘅機會,可以留意下會唔會下最近生活上有啲咩變化,例如係改變生活習慣或者食過藥,另外情緒都好容易會影響到月經架。

至於點樣可以令自己唔好咁擔心,可以試下先了解自己擔心嘅原因,係單純因為驚無嚟m定仲有其他事令你覺得緊張。如果係因為怕懷孕,其實驗過兩次嘅結果已經好準確,你仲可以揀人其他牌子去再試多次,或者去驗血。但係驗完之後你要相信個結果,因為你已經用咗最安全可靠準確嘅方法去驗,試下咁樣諗會唔會感覺放鬆啲。

謝謝你