注射hpv疫苗

hello想問關於去家計會注射hpv疫苗問題(20歲)
上網話有兩年性經驗會影響更多效力,所以想問一下
1)如果係半年既有咩分別/影響,又係咪依家越快打越好?
2)到家計會會唔會問有無性行為/打疫苗之前增加程序?
3)注射hpv疫苗既風險程度
麻煩曬,希望得到回答

1)有性經驗就有機會影響效力係因為HPV(人類乳頭瘤病毒)有機會透過性行為/性器官接觸感染,只要有過性接觸就會有風險。半年同兩年其實個分別都係風險程度上嘅分別,而且都要視乎本身有過幾多性伴侶/性行為次數而有影響,唔係單單睇年份。越快打就越快可以受到疫苗保護,不過25歲後女性都係建議要定期做抹片檢查呀。
2)一般嚟講都會問下你病歷同身體狀況,所以會問有冇性經驗都係正常嘅,但咁樣並唔會影響佢俾唔俾你打針,最多會同你解釋有過性行為就有機會影響藥效等等。
3)普遍嚟講都係安全嘅,不過每種疫苗都會有一定風險,而且接種後反應因人而異,最好都係查詢返醫生。