因要調經及有避孕需要關係，已持續服食優思明2個月，剛開始服用第3個月藥第3天在24/10發生關係，無套外射！有點擔心⋯需要驗孕嗎？
可以回覆嗎？
口服避孕藥嘅避孕原理係佢所含嘅人造荷爾蒙能夠抑制卵巢排卵，佢亦能夠令子宮內膜產生變化，使受精卵無法著床。另外，人造荷爾蒙更可以增加子宮頸分泌物的黏稠度，使精子難於穿過黏液，進入子宮腔內。所以，如果你或者你嘅伴侶有正確同每日準時服藥，避孕嘅成效係非常高嘅。
至於喺服用避孕藥期間需唔需要外加避孕方法，根據家計會，初次服用避孕丸嘅女性，如果喺月經來潮嘅第 6 日或以後先開始服用避孕藥，就必須喺首週內加用外用避孕方法。所以，按照你所講嘅情況，你或者你嘅伴侶已經服藥三個月，懷孕嘅機會係唔大嘅，所以唔需要太擔心。如果你真係好擔心嘅，可以喺性行為嘅11日後驗孕 ，因為到時驗嘅結果會較為準確。當然，無一種避孕方式係可以做到100%避孕嘅。所以，如果真係好擔心會懷孕嘅，可以喺服用避孕藥之餘再外加避孕方法，例如使用安全套。
1個讚
明白，我早兩個月服藥時間都算準時！但我有用手機app記錄生理期，因為24/10當天顯示懷孕機率高，所以有點擔心⋯我最快可以在11天後用驗孕棒測試嗎？我想問如果我有定時服用藥物，排卵期/安全期應如何計算？
如果喺無服用避孕丸嘅情況下，用手機app記錄生理期的確有助計算同追蹤週期嘅。但係如果喺有服用避孕丸習慣嘅情況下，好似我上一個回覆咁講，避孕藥係會抑制卵巢排卵嘅，所以就唔存在安全期同埋危險期。你提到個手機app顯示24/10當日懷孕機率高，係因為佢假設左你或者你嘅伴侶喺正常排卵嘅情況下去計算個週期。所以，喺有服食避孕藥習慣嘅情況下，用手機app計算嘅生理期就無效架啦。
另外，好似我上一個回覆咁講，避孕藥能夠令子宮內膜產生變化，使受精卵無法著床，同埋可以增加子宮頸分泌物的黏稠度，使精子難於穿過黏液，進入子宮腔內。所以，如果有定時服藥嘅話，即使喺停藥期間（如果係服用21粒裝），都依然有避孕嘅效用嘅。
如果真係想確認一下有無懷孕嘅話，建議你喺性行為嘅11日後驗孕。雖然最快可以喺性行為7日後驗孕，但此時嘅準確性唔高。你可以買一兩個牌子嘅驗孕棒， 如果兩個都是陰性，咁就應該係無懷孕。如果再唔放心嘅，可以去醫院驗血，結果係好準確嘅。
1個讚
我在11天後已用兩個不同牌子驗孕棒，兩次都是陰性！現在是否可以放心等待下次月經來臨？因在上個星期都有進行性行為，都有用安全套！謝謝你的回覆！
係阿，如果用左兩個牌子嘅驗孕棒測試結果都係陰性嘅話，就應該係無懷孕啦:relaxed: 服食避孕藥之餘再外加避孕套係雙重保障，可以大大減低懷孕嘅機會架！
1個讚
你好，我手機apps預計月經應用在10/11來臨，但我的口服避孕藥還有兩天才到停藥期！是否要等到停藥期月經才會來？我需要再次驗孕嗎？
可以回覆嗎？
唔好意思！想再問多一個問題！我還有持續服食避孕藥沒有漏服，我和我的伴侶在上月尾有親密行為，就只有愛撫及進入少許，沒有射精！但我的手機apps顯示當天是排卵日！我需要再在11天後驗孕嗎？麻煩回覆我！
補充一下，因上星期感冒睇醫生，話可以繼續同感冒藥同服！但我還是擔心影響藥力⋯
建議你攞埋隻藥問醫生。衹有醫生先答到。
醫生建議感冒藥可以一起服用，我只是想知道持續服避孕藥排卵日同房，需要驗孕嗎？
我對上一個回覆有解釋返喺有服用避孕藥習慣嘅情況下，用手機app計算生理期係無效嘅。因為避孕藥會抑制卵巢排卵，所以就唔存在安全期同埋危險期。只要有持續同定時服藥，懷孕嘅機會係好低嘅。