想請問一下如果抽插5分鐘左右已經想射 食嗰啲壯陽藥eg偉哥 會唔會有啲咩好嚴重嘅副作用同埋可以維持幾耐？
如果長期食會唔會有影響:pray:t2:
唔好意思我哋遲咗回覆你！我好欣賞你會主動勇敢尋找意見！徴詢咗藥劑師嘅意見，佢指通常壯陽藥係用嚟治療勃起性功能障礙嘅男性，通常佢哋無法達到或者維持陰莖勃起，達到滿意嘅性表現。
壯陽藥嘅常見副作用包括頭痛，面紅 (flushing)，消化不良，鼻塞，頭暈，噁心，潮熱 (hot flush)，視覺干擾，視力障礙同埋視力模糊。
而且壯陽藥係處方藥，所以如果你認為你有以上提到嘅情況，我哋建議你積極尋求醫生意見，而唔好自己購買呢啲藥物，因為通常醫生開呢啲藥物之前必須要評估你嘅心血管疾病風險。如果再有乜follow-up問題，歡迎你再留言！