食避孕藥洗吾洗連續食?

想男朋友射入體內,但又吾想有 BB
如果食避孕藥洗吾洗連續食
若果要連續食既話甘要食幾多日 還是食一次就夠

男性啲精系女性體內維持幾耐先會死亡

首先想提醒返妳所有避孕方法都唔係100%成功嘅,都有機會有BB,採用避孕措施只係為左盡量減低懷孕嘅機會。避孕藥嘅避孕成效係頗高嘅,根據家計會嘅研究資料,女性喺第一年服用避孕藥後意外懷孕嘅機會係0.3-9%。服用避孕藥之前必須先諮詢醫生嘅意見,並且要經醫生處方,亦需要根據醫生指示定時服藥。 我可以先提供一啲有關避孕藥嘅基本資料俾你,等妳有個初步認識先。

避孕藥(混合荷爾蒙避孕丸)一般分有 21 及 28 粒裝兩種,服用方法如下:

21 粒裝避孕丸:月經來潮便開始服食,每天一粒,定時服食,直至服完整包為止。在服完第 21 粒後,隔一兩天便會來經,停藥7天後不論月經已否停止,也需要開始服用第二包。

28 粒裝避孕丸:月經來潮便開始服食,每天一粒,定時服食,直至服完整包為止。在服完第一包後,要立即開始服用第二包。

初次服用避孕藥嘅女性,如果喺月經來潮嘅第 6 日或之後先開始服藥,必須喺首週內加用外用避孕方法,如避孕套。有關避孕藥嘅詳細資料可以參考家計會嘅網站:https://www.famplan.org.hk/zh/health-info/contraceptive-methods/oral-pills

另外,答返妳有關精子存活率嘅問題,如果進行體內射精,精子落喺陰道壁,依個時候大部分嘅精子已經死亡,只有餘下存活嘅精子可存活幾個小時並繼續游向陰道深處,以到達宮頸同子宮,有受孕機會。游到宮頸同子宮嘅精子可存活24至48小時,較強壯嘅精子則可存活4至5日。
參考網站:http://orientaldaily.on.cc/cnt/adult/20150102/00290_003.html