同男朋友一齊左三個月，大家都係year two住宿舍
我地會一齊訓，大家都對性行為好奇，唔知應不應該做
我都好奇你地覺得唔肯定應唔應該做既原因？因為貞潔？因為覺得有危險？
其實性行為只要係安全、雙方同意、尊重對方，係可以進行架。
2個讚
我地都好緊張，我同佢都未試過
唔好意思，遲左覆你>< 唔知你地依家點樣呢？睇黎你地好奇但唔知點樣做。首先，安全真係好重要架，性交時要有適當潤滑（要買潤滑劑！唔好用其他油同凡士林），然後要有適當大細既安全套。但好重要既，係性行為真係需要一個舒適、放鬆既心情！緊張可能係怕對方唔鍾意、怕自己表現唔好、怕破壞左d情趣同形象等等，不過性行為唔會一黎就識架嘛。最重要係雙方多d溝通、尊重對方，係安全既情況下嘗試，同埋以開放既態度去面對，咁樣情況會好好多！
有咩再update我地啊
大家都唔識做，當我地除左衫見到大家嘅身體同性器官就認為好尷尬
其實性器官同其他器官一樣都係我地身體嘅一部分，所以唔需要覺得尷尬架:slightly_smiling_face:
建議你地可以由親吻、撫摸等前戲開始先，唔需要急於第一次就完成整個性愛過程。喺前戲期間可以探索一下對方嘅身體，令雙方都逐漸熟悉對方嘅身體，尷尬嘅感覺就會慢慢減退架啦:relaxed:。俾個小tips你地，頭幾次前戲嘅時候可以調暗房間嘅燈光先，從而減低大家玉帛相見嘅尷尬同緊張感。另外，音樂都係放鬆心情同製造情調嘅好幫手黎架:relaxed: 性愛係一件美好、值得享受嘅事黎:smiling_face_with_three_hearts: