因調經及避孕需要已持續服食優思明5個多月，但在服藥期間一直都有不同類型的不舒服發生(如感冒及腸胃炎等等⋯)，不知道是否服食避孕藥後身體免疫力變差了？還有不知道我服用過很多不同類型的藥物會否影響避孕功效？因每次發生親密關係後都會感到擔心，已經有準時服藥沒有漏服及外加安全套！但情緒好像都有受到影響，每次都感到焦慮及憂心！可以怎樣做才能舒緩？好像有點長編，但真的好想有人可以幫幫我！請回覆⋯
暫時冇研究指出服用避孕藥後會令身體抵抗力降低。會唔會你最近生活習慣有啲改變或者情緒有啲波動？呢啲都有機會令抵抗力變差㗎。而且感冒同腸胃炎都係一啲常見嘅病，可能係最近天氣成日變化所以先病，唔需要太過擔心啊！
至於服用其他藥物會唔會影響到避孕藥功效，其實最安全嘅做法係你睇醫生攞其他藥嘅時候話比醫生知你食緊避孕藥，因為每一隻藥嘅藥效都唔同，我地都好難話俾你知你食嗰隻係咪一定有影響。不過都唔使太擔心，除非你食啲好特別嘅藥，否則普通病會食到嘅藥暫時都未有研究指出會減低避孕藥功效。
好明白你擔心藥物失效會覺得焦慮緊張，但其實你能夠做到每日準時食藥而且係有服用其他藥物嘅時候外加安全套，避孕效果已經好高！！！本身安全套嘅避孕功效已經高，再加埋避孕藥，兩者係相輔相成！但呢件事已經令你覺得情緒受到困擾，其實除咗係服用藥物之前徵詢醫生嘅意見，或者好似你而家咁使用多過一種避孕方法，你都可以試下係你同時服用多過一種藥物嘅時候避免親密接觸。但記住同要比伴侶知道你有咁樣嘅擔心，有陣時同對方溝通完，大家互相磨合一下，其實個擔憂都會減少啲。
我都明白可以做既我都做哂⋯只係每次親密關係過後總是覺得擔心會懷孕，情緒好容易受影響😔唔該曬你！
唔好意思！想補充問多一個問題，我在距離上次發生親密關係後(有用套)，分別於15日及18日後驗孕都是陰性，可以作準嗎？是否要等到避孕藥停藥期月經到來先可以作準？