黎左m十日點算好


#1

我上個月遲左5日先黎m 之後26號黎個日我就開始食避孕藥(第一次食)之後26 27都得勁少得兩滴 之後28開始正常 29號比男朋友中出過 今日已經第十日我都未停m仲係勁大量 我唔知關唔關食避孕藥事 我又中出過我驚依加停會有bb 我見呢個情況好正常?係咪繼續食就冇事?:pensive::pensive::pensive:


#2

想了解返你係黎m後第幾日開始食避孕藥嘅?


#3

黎m第一日就食


#4

咁有可能係因為黎m第一日就開始食藥所以擾亂左個生理週期,因為我都試過黎m第一日開始食避孕藥之後嗰一個月都有keep住黎m,之後去家計會問護士嘅時候先知道黎m第五日開始食藥會好啲,之後嗰個月我嘗試喺黎m第五日先開始食藥就真係無再出現keep住黎m依個情況。當時護士都係建議我繼續食藥,因為如果中途停藥嘅話會影響避孕效果。不過為左確認一下你食完藥之後keep住黎m嘅原因,都建議你去睇醫生了解下身體狀況。

另外,照你所講嘅情況,你係喺開始食避孕藥之後先進行無套嘅性行為,所以懷孕嘅機會係唔大嘅,唔洗太擔心 :slightly_smiling_face: 不過都留意如果你之後有停藥一個月或以上再食返,並且係喺黎m第6日或以後先開始服藥嘅話,就必須喺首週內加用外用避孕方法,例如避孕套。