本人和伴侶最近初次進行性行為但唔成功，伴侶初頭好快硬但入唔到我的陰道，我們試了幾次但都不成功，係咪我下面未夠濕入唔到？係咪女性初次進行性行為陰道比較細而難進入？點樣可以令陰道大啲陰莖能進入？另外我的伴侶陰莖好快就軟，係咪有問題呢？希望各位能解決我的疑問
初次進行性行為唔成功係好普遍嘅事，大家未了解大家嘅身體，加上心情緊張，放鬆唔到，女仔可能會容易乾，男仔可能會軟，比時間大家適應，多啲顧及另一半嘅感受，同時向對方表達自己嘅感受，令雙方都享受過程。
如果都係好緊張，可以試下嘗試唔同方式嘅前戲，探索下對方嘅敏感部位，令雙方舒緩緊張感，容易啲進入狀態。潤滑劑亦可令陰道保侍濕潤，可能對你哋嘅情況有幫助。
P.S. 進行性行為之前記得要安全套，保障你嘅伴侶同你自己:see_no_evil:
補充少少，有興趣可以睇埋 
陰道濕潤度：女士如果有足夠分泌可以令陰道濕潤，性交時陰莖會比較容易進入。性愛中可以靠前戲、兩人之間的溝通、舒服的環境等因素令女士放鬆並投入性愛，因而分泌足夠體液。但分泌量亦因人而異，有些女士的體質未能達到需要的濕潤度，則會在性愛中使用潤滑液。
所以如果你認為有需要，可以考慮使用。留意潤滑液有不同類型，可以參考我們以往的文章了解更多，選擇你合適的：https://www.inmediahk.net/node/1036354
陰道的大小鬆緊：每人的身體結構都不一樣，像身高一樣，每位女士的陰道大小都不同。陰道是肌肉組織，而為了不讓細菌感染身體內重要的器官，它本身是有閉合及收窄的功能的。
陰莖的硬度：和女士一樣，不同因素亦會影響男士進行性愛的準備程度。陰莖會勃起及變硬是因為刺激和興奮下令陰莖裡面的海綿體充血。陰莖硬度的持久度和射精時長也受很多因素影響，精力集中的程度，身體狀況都會有影響。所以可以先了解伴侶的情況，沒有必要一開始就打上標籤，讓大家添加顧慮啊。
伴侶間有關性愛的溝通會令二人加深了解，希望你們坦白和對方表達需要和喜惡時，雙方都能舒適地享受親密的時間。磨合和摸索的過程也能增進感情呢！
謝謝解答