避孕藥停藥期問題


#1

我已服食避孕藥5個月期間無漏服過!6/1服食最後一粒,停藥7天期間月經來了4天,但血量勁少!在第8天下午(14/1)有進行性行為無用套摩擦及插入少許,之後再用套內射!我在晚上再開第6個月既藥服用,我想問停藥期間避孕效果還有效嗎?因我上個月尾曾經有腹瀉,另外我需要在11天後驗孕嗎?如需要可以提早驗嗎?因為10天需要進行身體檢查,不想俾屋企人知道⋯麻煩回覆!


#2

請問可以回覆嗎?


#3

不好意思遲了回覆。
聽得岀你比較擔心是否意外懷孕了。是否比較擔心性愛中插入少許會有機會懷孕呢?
的確射精前,男方的分泌中可能含有精子。不過聽你的情況亦可以有以下考慮:

首先,避孕藥能否發揮作用,視乎你有沒有根據它的指引去服藥。另外也視乎你身體對藥份的反應。

可以看看這網頁有更多資訊:

另,雖然驗孕棒最佳使用時間一般是預計受精時間11日之後,但其實最快可以在性行為後7日 (或預期經期開始那天進行檢驗)。可以考慮買一兩個牌子去驗,如果兩個都是陰性,那就應該是沒有懷孕了。又或可考慮去醫院驗血,結果都很準確的。

最後,亦建議你因為肚瀉的情況去求醫。因為有些女士在服用避孕藥後會有肚瀉的情況。建議找婦科醫生檢查清楚這是否身體對藥物的反應,並了解在選擇避孕藥有否其他的考慮。

希望幫到你! :grin:


#4

今天早上(21/1)即係性行為後7天,驗孕結果陰性!可以作準嗎?3天後進行體檢會不會被驗到結果不同呢(唔想同行家人知道)?需要自己在家再驗嗎?真的很擔心😔


#5

可以回覆嗎🙇🏻‍♀️因為呢個星期一直等可以驗既日子,腸胃好唔舒服經常覺得反胃!真係好驚好擔心😭


#6

今天早上(21/1)即係性行為後7天,驗孕結果陰性!可以作準嗎?3天後進行體檢會不會被驗到結果不同呢(唔想同行家人知道)?需要自己在家再驗嗎?真的很擔心😔


#7

照你所講嘅情況懷孕嘅機會好低阿,唔洗太擔心 :slightly_smiling_face: 如果驚結果唔準確嘅話可以喺4日後,即係性行為嘅11日後再用驗孕棒驗多次,如果結果都係陰性嘅話就即係無懷孕啦 :relaxed: 另外你提到腸胃不適嘅情況有機會係因為緊張導致,所以嘗試放鬆心情或者可以紓緩不適 :hugs:


#8

唔該哂 Ana 既解答呀!
補充少少呀,腸胃方面可能真係緊張所致。不過如果持續,都建議要 check 一 check 喎。
因為聽你講你服用避孕藥都有幾個月,的確有女士會食左一段時間後身體會有反應。所以如果持續,就要留意下喎。

不過逐樣逐樣處理啦!希望你無咁擔心!有咩再留言呀!


#9

幾日後我做體檢時都會睇埋婦科醫生,到時我會再同醫生講下我既情況!真係唔該曬你們🙇🏻‍♀️


#10

我在11天後再次驗孕,都是陰性!係咪就可以確定沒有懷孕?另外在體檢及見婦科醫生時都有做過檢查!係咪要等到下個月月經來到先可以肯定沒有呢?腸胃問題仍然持續,醫生建議我服用完今個月既藥後,就需要停藥!總係覺得放鬆唔到😖


#11

驗孕棒測試係有一定既準確度既. 你可以定一定先 :slight_smile:

至於係咪100%準呢? 都建議你睇返驗孕棒說明書所建議既測試日子.
理論上呢, 如果太早測試, 可能尿液內既荷爾蒙量未足夠呈現陽性反應.
另外, 當然月經到就可以肯定無懷孕啦. 你下次經期應該係幾時到呀?

睇左醫生就好喇. 咁記住跟返建議喇. 藥物使用都係要小心D處理, 始終你身體都有反應顯示唔太適合… 保重呀.
你有無咩原因仍然好擔心呢? 唔介意可以講多少少? 放鬆唔到係因為仍擔心懷孕? 定係腸胃狀況或其他事呢?


#12

我大概仲有一個星期既藥,預計經期日子係2/5到!放鬆唔到最大既原因係好怕會懷孕加上腸胃一直都唔舒服⋯好驚驗孕既結果唔準確


#13

另外驗孕棒既說明書只係話經期遲來後有懷疑才用,但我分別在性行為後7天及11天測試,兩個結果都係陰性!所以總係覺得唔放心


#14

明白明白!
聽到你都面對緊幾個情況,比較難放鬆呀 :thinking:

藥果方面就跟返醫生既建議啦,俾啲時間身體去適應。留意住身體狀況,有需要就再去求醫 :grinning:

至於怕意外懷孕方面,做左兩次有兩個參考,都唔洗過份擔憂既。不如試下同伴侶或朋友分享,分擔下?而你亦可試試放低件事?因為你繼續擔心反正有機會影響經期添呀~ 到時又再更擔心喇!
如果經期真係比預期遲太多,你到時可以考慮再驗多次啦。

你可以做既,其實都做左喇。希望你個心可以定啲啦 :blush:


#15

我已經同伴侶溝通過,佢亦都覺得可能性好低想我放心!但我唔敢同佢講太多我既憂慮,加上下個月要開始停藥,到時更容易發生意外,其實佢已經知道我唔舒服會擔心,商量過會使用其他安全措施!只係我自己好想知道呢兩次既結果,可信度高嗎?我仍需要在預計經期來前再驗嗎?真係好感謝你們可以聽我傾訴🥺


#16

多謝你信任呀!我地都好開心可以同你一齊面對 :blush:
有溝通好好呀 :wink: 聽到伴侶都關心你唔舒服,有支持真好 :slightly_smiling_face:

唔敢同伴侶講太多係因為咩原因呀?
係呀,都要睇下其他避孕方法呀。呢方面你有遲疑?

喺唔同日子驗左孕都準既,唔好太擔憂
如果真係想驗,可以等預期經期後先驗

嗯… 不過聽落你對驗孕棒好似無咩信心?
最確定到無懷孕一係就去醫院驗血,或來經。
前者如果有需要你可以考慮,後者就真係要耐性同放鬆心情。

你考慮下?因為都見你擔心好耐,都想同你一齊搵到方法令你定啲呀~


#17

我喺18日後再驗多次都係陰性,而家已經停左藥等月經來臨!呢兩日都有少許來經前既反應,諗住如果月經再延遲先再驗!暫時心情已經慢慢平復落黎,
另外唔想同伴侶講得太多係因為佢對用安全套有少許反應!好似好難成功!所以對停藥之後既憂慮會多d⋯不過我們都會再慢慢試下!
真係好感謝你們!祝你新年快樂


#18

我已於1月尾完全停服避孕藥,在今個月3號至7號是經期日子,但我今日和我的伴侶有發生關係,在插入過程中有帶安全套,但佢好快就軟左之後除左安全套再喺我陰唇處上下磨擦,並無進入陰道。整個過程當中佢完全無射到精!因為我已經停左食避孕藥,我需要等到下次經期到前驗孕嗎?之前我同佢擔憂就係佢用套後好似好難勃起同保持住:pensive:有時仲會好耐都射唔到!但係我既身體又唔適應藥物:sob:而家親密完都會擔心有無意外!我們溝通過都一致唔打算要小孩!真係唔知點做好?


#19

可以回覆我嗎?另外我喺今日(23/2)即係有親密行為後第二日,發現我去廁所時有少許出血!但係距離下次經期早左好多,唔知係咩原因突然出血:cold_sweat:我有問過醫生,佢話因爲我之前有服過避孕藥導致荷爾蒙會亂掉,有機會係排卵出血!即係我剛在排卵期發生親密關係,我需要等到經期來臨前驗孕嗎?