避孕藥停藥期問題


#21

出血問題已持續4天,出血量及感覺都同來經一樣!已查詢過醫生!醫生認為係停服避孕藥後月經不調,引致月經提早一周,只可以留意出血量及天數⋯暫時觀察住先!但係之後經期可能會變得更混亂,要避孕就好難計算排卵期等⋯
我和伴侶在22/2發行性行為,在插入過程中有使用安全套,只是除左套後有進行磨擦未有進入及全個過程未有射精⋯如果我持續出血在11天後驗孕會有影響嗎?


#22

好對唔住好遲覆。
明白哂你既狀況。醫生既解說好合理,而你都講得好岩呀,身體似乎因為各樣因素令週期亂了。
理論上根據避孕棒既原理,岀血情況唔會影響驗孕既。不過! 就係依你咁講,而家身體狀況真係較複雜,所以建議你要問醫生諮詢喇!


#23

出血情況5天後已停止⋯醫生亦建議當作月經週期,只可以繼續觀察之後既經期週期及出血量!所以暫時只有等身體慢慢再調節!
我在11天後驗孕結果陰性,可以確定嗎?需要下次月經預期遲來再驗?另外我因月經不調關係,現在都有睇中醫調理身體,飲用中藥會影響驗孕結果嗎?


#24

醫生建議當作月經週期?即係指你無懷孕?


#25

醫生並無明確指出無懷孕,只是認為是停藥引致亂經,只可以持續觀察之後既生理期情況再詳細檢查,因為是在發生親密行為後隔天經期提早,所以想知道應否驗孕及好難預計生理期既日子!


#26

原則上服用中藥應該唔會太影響驗孕結果嘅,而且你係性行為後11日先驗,結果都相當準確嘅,仲係擔心嘅可以等預計經期時再驗呀。

其實好多女性係停藥後頭幾個月都會出現經期紊亂嘅情況,因為身體需要適應返自行調節體內嘅荷爾蒙量,所以即使月經日子同以往有唔同都係好合理嘅唔需要太擔心,經期亦會逐漸回復返正常規律,同時過份擔心或者情緒好波動都會影響到體內荷爾蒙,繼而影響埋月經架,所以都希望你可以盡量放鬆心情,可以試下做一啲令自己開心嘅事放鬆下。至於係調節期間,經期會比較難以預計,所以建議每次有親密接觸都要使用其他避孕措施,包括性器官摩擦,雖然無直接射精,但始終有接觸都有風險。

你哋會唔會都考慮其他嘅避孕方法,例如係避孕針或者避孕貼等?同埋今次停藥醫生有無話係建議以後都唔可以使用避孕藥?因為市面上其實有好多牌子嘅口服避孕藥,每款嘅成份同用後感都會有啲分別,如果係今次呢隻藥令你覺得不適,可以考慮試下其他牌子呀!