我今個月食返Yasmin, 經期來後第8天（8/1）開始服用，食了6粒後忘了吃3天後已經停服… 今天發現小便有血，暗紅色，之前都有發生多次性行為…請問現在的情況是來經嗎？這表示沒有懷孕？
沒人回覆…
唔好意思呀遲左
可唔可以講多少少呢?
性行為是插入性嗎? 除避孕藥, 有無做安全措施例如用安全套呢?
你上一次經期是什麼日期呢? 平時週期日數是…?
謝謝你
因為有體內射精…（忘掉了日期）無做安全措施
上一次經期是12月8日，這次不知道為什麼會早了，平常都是8號左右…
明白!不過唔好意思，都係有Ｄ要問清楚…
你提到小便有血，有痛嗎？
你能夠分出係小便有血，或係經血嗎？
你話應該８號來經，今次早了… 即你1月已來經？
1個讚
我今個月1月1號來經，小便輕微有血
沒有痛
應該是類似經血，不過量不多
OK明白了。
有關懷孕：
首先，我假設你肯定自己１月頭已來經，如果係咁，即沒有懷孕。
我話假設係因為小便有血，所以你好似又唔係太肯定？
所以如果真係想萬無一失，可以考慮用驗孕棒或去醫院驗血。
有關小便有血：
呢方面則建議你去求醫，因為唔太知道什麼原因會有血。去醫生度諮詢同check check會比較安全。而且亦可以了解係咪因為食避孕藥而引起既身體反應。總之，出血都唔係正常情況，建議求醫。
有關避孕：
避孕藥之所以可以發揮效用，需要每日定時服用，同完全服用整個cycle。聽你講既情況，未能跟指引服用的話，的確會影響效用，所以可以考慮睇睇其他避孕方法，或真係跟足指引去確保藥物可以發揮效用。
有關月經：
來經日子早左遲左，可以因為好多因素。服藥日期既改變﹑身體情況﹑精神情況﹑壓力等都會有影響。所以聽你講既情況，可能都牽涉好多原因。不過唔洗太擔心，因為聽落身體既情況比較多變動，可能就係因為咁而早左一星期。
希望可以解答到主要疑問先！有需要你再留言丫！ 