前列腺液會唔會搞到有BB

同男朋有冇發生性行為冇着衫唔知有冇掂到佢d前列腺液怕掂到佢嘅前列腺液所以去左沖洗咁如果d前列腺液掂到陰部嘅話會唔會有BB?

同男朋友冇發生性行為

聽你咁講呢, 懷孕既機會唔大呀, 唔洗太過擔心.
因為精子暴露係空氣中,尤其在寒冷的表面,通常會係幾分鐘內死亡,如果接觸到水,精子會更快死亡。

不過如果你地無計劃要懷孕, 想避免的話, 都建議準備定安全套呀. 因為前列腺液係有少量精子嫁, 準備定就唔洗擔心情到濃時忍唔住喇 :slight_smile:

咁如果要用驗孕棒應該幾時用?我係第三日驗左冇懷孕
應唔應該再驗多次同埋應該幾時再驗多次?

第三日,你意思係性交後第三日?
驗孕棒最佳使用時間一般是預計受精時間11天之後。所以如果你意思係性交係第三日,其實未必準確。
雖然驗孕棒最佳使用時間一般是預計受精時間11日之後,但其實最快可以在性行為後7日,或預期經期開始那天進行檢驗。

所以,要睇返你指咩日子喎 :slight_smile:

我係係件事第三日驗驗到冇懷孕但係怕唔準
好驚會有BB😢

我聽朋友講話女仔個陰道入面有d水會乸到d精子爛曬如果冇一定嘅精子數量係唔可以導致懷孕?

女性陰道當中酸性分泌液一般為pH3.5-4,的確會殺死大部分精子。不過理論上只要有一個活的精子就可以受精,所以冇一定嘅精子數量係唔可以導致懷孕嘅講法係唔正確嘅。:no_good_woman:t2:

臨床上,在一定量尿道球腺液(即係前列腺液)/精液的緩衝下,才有可能使極少數生命力強的精子存活的時間得以延長,獲得進入子宮和受精的機會。換句話說,如果沒有一定量的尿道球腺液/精液緩衝改善陰道裡的酸鹼環境,單獨一個精子或極少量的幾個精子在陰道酸性環境裡生存下來並受精的機會微乎其微。所以你嘅情況唔洗太過擔心啊!:wink:

正如wlau所講,性行為後第三日就驗孕是不準確的。最快可以在性行為後7日,或預期經期開始那天進行檢驗才能有準確的結果。如果你都仲係擔心嘅,可以係性行為7日後再進行一次驗孕啊!希望可以幫到你!

好!唔該你!

咁有冇d因為前列腺液掂到陰部而有BB嘅案例?我好驚因為咁樣而有BB因為個d液體都有d精液嘛😭

因為性行為整個過程中有好多可能引致意外懷孕嘅變數,好難考究有無一個同你嘅情況一模一樣嘅案例。:sweat_smile:
如果陰莖唔係對準陰道口摩擦/將接觸過前列腺液嘅手指或物體直接伸入陰道,基本上前列腺液引致懷孕只有理論上嘅機會。
不如冷靜等待喺合適嘅日子(性行為7日後)再進行一次驗孕啊~ 總比一直擔憂好!:wink:

補充返,的確係有聲稱因前列腺液引致意外懷孕嘅案例,不過呢D個案無法證實是否只是稍微掂到陰部而無涉及任何插入式性行為。:relaxed:

我想知我懷孕嘅機率會係幾多?

如果你唔介意,可以講講具體有咩令你持續咁擔心?例如係咪經期遲左?有其他現象令你好憂心?

同時,講多少少俾你聽你自己衡量下丫 :wink:
要成功懷孕的話,要女生的卵子和男生精子結合。一般黎講,女士一個月會在排卵期排一粒卵子。另,精子要有引導的情況,才能成功進入子宮去進行以上過程。要懷孕就要以上條件都齊全。

你描述既情況,沒有插入所以受孕機會低。本身前列腺液受孕機會亦低。睇返你週期既話,機會亦會唔一樣。

去回答你懷孕機率既問題,大致都係用以上因素去考慮。希望你明白,問任何人,都唔會可以答到一個百份比數。因為實在太多因素,最多只可以話機會高或低。而你既情況,好似 AK 咁講,係低既。

現階段,真係只可以等日子再驗,等你安心。唯有耐心等待,去驗清楚啦。
不過,都聽得岀好困擾你,所以真係強烈建議下次做安全措施,咁就唔洗咁心掛掛喇 :wink:

我淨係好驚有BB😢

我明呀 :frowning_face:
親密行為幾時發生嫁?第幾日喇?就快可以驗?

冇發生性行為今日係第四日其實我連佢d前列腺液有冇掂到我都唔知佢又唔知所以先擔心😢

我想問下係米7日後驗孕最準🤔

最穩陣呢, 係睇返隨驗孕棒既說明書呀.
理論上呢, 懷疑受孕後, 最快可以驗既日子係第7天.
因為驗孕棒係檢測尿液中, 受孕後會有既荷爾蒙濃度去斷定有無懷孕, 所以理論上係受孕愈後期愈準確既.
即理論上, 第11日會比第3日驗更準確呀

不過同你傾左咁耐, 聽你既形容, 沒有插入的話, 懷孕既機會真係唔算高既.
建議你等到日子到, 可以去有信譽的藥坊或大型藥妝店購買. 而且可以買一兩個牌子去驗, 令你安心D.
如果兩個都是陰性, 那就應該是沒有懷孕了.
又或考慮去醫院驗血, 結果都很準確的, 咁你就一定安心了.

我都明白等待好難過, 因為真係好擔心 :sob:
如果你OK的話, 可以考慮同伴侶同信任既人分享, 喺情緒上可以支持一下你呀. 有support會好過自己一個人擔心嫁.

當然你可以繼續留言或提問啦, 我地會盡力協助你既 :wink:

好!唔該你😢