本人都有30歲但一向都很宅，從青春期起到現在都未試過打飛機/自慰，對性愛唔算感興趣，直到近年識左而家既女朋友，一齊左半年發生左首次既性關係，但女友幫我打左好內JJ會硬但龜頭都仲未外露，亦無射精既表現，亦很快會軟返，女友嘗試幫我露出龜頭，但感覺疼就叫停，所以我地初次做愛都沒有插入。
但都有計劃過兩年結婚，生小孩。
我有需要去檢查下或割包皮嗎？
還是我而家勤力點打多飛機會有幫助？謝謝
多謝你既分享呀, 聽得出你到好尊重同重視段關係 
如果你唔介意分享多少少, 都想問下你會唔會想了解多D自己點喺性上達到歡愉? 定係現階段都會比較想知多D生育上既計劃呢? 而聽你形容呢, 刺激龜頭時會痛, 咁問一問你平時有無清潔龜頭既習慣嫁?
不過都答左你少少先… 
有關自慰, 係一件視乎個人需要既事呀, 所以幾多歲開始, 幾密一次, 喜唔喜歡, 都無對錯 
聽你形容呢, 可能係喺達致性興奮/高潮 (射出) 暫時未太掌握到? 一個人點樣可以得到性興奮好睇自己既需要同喜好. 所以建議你可以花D時間去探索下自己的身體, 了解自己敏感部位在哪裡, 自己喜歡什麼感覺。對自己的身體了解更多之後，可能同伴侶都會更加容易達到高潮.
探索既方法有好多, 自慰的確係其中一個方法, 同伴侶去溝通亦都係. 可以喺舒服既情況下, trial & error咁去搵下自己 (同對方) 喜歡同唔喜歡D咩
持久度方面, 就受好多因素影響嫁, 精神集中既程度, 身體狀況等都會有影響.
至於包皮呢方面就建議可以睇下相關資料或搵醫生去諮詢一下. 割包皮係永久性既小手術, 適唔適合同需唔需要要視乎你個人既狀況. 當然唔會就咁就完全解決到性方面既所有疑問, 不過相信檢查下可以俾到多一個角度你去考慮呀.
你同伴侶現階段開始慢慢摸索雙方性方面既喜好同需要, 都係一個需要時間既過程, 唔洗太心急, 因為亦唔係只為達到目標, 反而係其中一個可以促進關係既課題呀 無論係性生活定生育, 其實都需要你同你伴侶享受喺性方面既交流, 有正面既感覺, 所以可以喺雙方都舒服既情況下explore就very good喇
歡迎你之後再提問同分享呀
好多謝你答到我咁詳細啊！
無論性上面既歡悅同生育都想了解多點🤗
想問清潔龜頭就咁用沐浴露或清水清洗？
定要反起包皮向內清潔？還是用棉棒放在包皮內龜頭位打圈清潔？我都怕自己清洗唔乾淨影響自己同女友。
因為本人自慰經驗很淺，多數有機會都係女友主動撫摸我JJ，感覺係舒服，但都搓左好內先勃起但又快謝。擔心未插入已經軟晒，但女友明白我係初哥，亦會比時間大家摸索敏感位。
以清水清洗清潔龜頭就足夠。
因為陰莖頭皮膚比較敏感，如果受到化學物品刺激，例如肥皂、洗衣劑或殺精劑等，係有機會引起龜頭炎㗎。
基本要注意，清洗時必須小心和力度輕，不要弄損龜頭皮膚。除了清洗可以見到嘅龜頭表面，還要翻開包皮，把皮層隙內的包皮垢輕力洗掉，因為包皮垢是極為適合細菌孳生的繁殖場，若果男性不養成清洗包皮垢的衞生習慣，會導致性健康隱患，亦容易透過性行為把細菌傳到性伴侶身上，引起交叉感染。
而由於包皮內部皮膚比外部更薄更嫩，會有敏感感覺，力度必須要輕，清潔時間不能太久。亦不宜使用棉花棒等物品，因為它有機會令敏感脆弱的陰莖皮膚受傷。清洗之後，必須使包皮翻回原位，若未有使它復位，有可能造成包皮積聚，勒緊並傷害龜頭。
如果未能翻開包皮清洗，千萬唔好強行拉扯，以免受傷！
因為咁嘅情況可能係包莖，搵醫生諮詢一下有無割包皮的需要先至係上策～ 
好開心知道你同女友喺性行為上有溝通，會俾時間雙方互相摸索，係一個好好嘅習慣啊！
唔洗急，正如wlau所講，只要同你伴侶享受喺性方面既交流，喺雙方都舒服享受既情況下explore就very good喇！
Hi 割咗包皮未?
仲射唔射到出未啦
Hello~如果你有同割包皮相關嘅疑問，歡迎你開一個新嘅post發問，我哋會盡快回覆你，謝謝🫶🏻