如果冇套外射會唔會有事


#1

我對上一次黎m第一日大概係12月21號
之後我1月10號同男朋友唔知算唔算第一次左
但係只係做前戲 但係做做下就入左陰道 但係因為我第一次我唔肯定算唔算入晒定係咩 插左唔係好耐之後就攞番出黎 外射
之後同一日有做多一次 跟住keep住每日有一次 中間有兩日冇嘅 每次都係做做下前戲先插一陣之後都係外射 不過每次都冇食藥同冇帶套 我而家好驚 我同男朋友都好驚 因為男朋友都啱啱19歲 大家都係處 未試過 我而家可以做啲咩 急丫唔該:sob::sob:


#2

聽你講有好幾次親密行為,有時會插入,有時沒有,但都無使用避孕套,風險的確係有既。

你下一次經期應該係幾時呢?
如果已來經,就沒有懷孕啦。但如果未到,會建議你先停一停性行為,或起碼要用安全套。

想知自己有無懷孕,可以買驗孕棒或到醫院驗血。
驗孕棒的最佳使用時間一般是預計受精時間11天之後,但其實最快可以在性行為後7日,或預期經期開始那天進行檢驗。但因為你差唔多每日都有性行為,日期比較難計,所以想避免再複雜化的話,真係建議停一停親密行為。

驗孕棒可以到有信譽的藥坊或大型藥妝店購買,店員不會詢問你的年齡。
可以買一兩個牌子去驗,如果兩個都是陰性,那就應該是沒有懷孕了。或去醫院驗血,結果都很準確的。

都聽得出你好擔心,而同伴侶都係第一次,所以俾多少少資料你丫。
男士射出前,會分泌前列腺液,當中含有少量精子,所以即使最後係體外射精,都有懷孕既風險呀。
所以都會建議使用安全套,係最方便既避孕方法,亦可以避免性交傳播既性疾病。
當然,亦可以了解其他既避孕方法,例如避免藥﹑事後丸。但兩種藥物都用佢地既風險同副作用,所以建議你再了解一下,或歡迎你再提問 :slight_smile:

希望可以先解答你擔心懷孕既部份,你有疑問再問丫!


#3

真係唔該晒丫:sob::sob:冇錯我真係好擔心 到今日都未黎m


#4

仲有冇更加多嘅資料可以提供俾我呀😭因為真係好擔心呀


#5

唔,你有無話想了解邊方面嘅資料多D?

可能未嚟M都加深咗你嘅擔心。其實人體好複雜,有很多因素都有機會導致經期不穩定,例如休息的時間是否足夠、心理壓力、是否長期熬夜、生活習慣改變等等都可能會影響到經期。你長期處於擔心狀態,對月經都會有一定的影響,可以嘗試放鬆一下心情。

而要肯定有無懷孕,目前暫時可以做到嘅都係等最後一次發生性行為後7日/11日進行驗孕先可以知道。

如果下一次發生高懷孕風險嘅性行為,在發生性行為72小時/120小時之內(越早越好)服用事後丸,避孕的成功率均可以維持在85%。而在哪裡可以獲取事後丸,只要年齡介乎18-26歲之間,可以選擇聯繫家計會;部分私家診所都有事後丸,詳情要查詢個別醫生。

  • :warning: 事後丸含有劑量較大嘅激素,所以服用事後丸之後,可能會出現噁心或不適等嘅副作用都係正常嘅。不過係香港,事後避孕藥屬於醫生處方藥物,一般聲稱有售事後丸的藥房或網店,由於無醫生駐診,所以所賣的藥唔一定可靠㗎!

呢D都係事後嘅彌補措施,都無任何一種避孕方式是可以做到完全避孕的。我們做的所有避孕行為都只是為了能將這種可能降到最低。而採用男用/女用安全套嘅方式避孕,係暫時目前最方便嘅避孕方法,除咗可以將意外懷孕機會可減少至2-21%不等,亦可以避免性交傳播既性疾病。

當然,你都可以選擇多種避孕方式來增加避孕成功率,但要留意一次帶兩個安全套反而是會增加安全套破裂的可能,降低避孕的成功率!!

有關其他避孕方法,都可以上家計會避孕方法簡介睇返~ 希望可以幫到你!:relaxed:


#6

真係唔該晒你地丫 我早兩日已經黎左m喇 個人都冷靜番少少 唔該晒你地❤️