有關避孕藥一問


#1

想問吃避孕藥 係性交前一個月食 至性交後就停用 得唔得
例如 性交係2月4
係1月15開始月經第一天開始食
食完24粒就停
會否影響藥作用 只係食E個月會唔會有咩問題

仲有一問 有人話食避孕藥 日後生BB會容易有唐寶寶 係唔係真???


#2

請問你係食邊種避孕藥呢?
因為每種避孕藥個成分同作用都有不同,避孕成效都會受有無按照指引服藥、以及個人體質影響㗎!所以我哋唔能夠單憑上述嘅描述就話俾你知會唔會有問題。

另外都想知道有無咩原因令你關注食避孕藥與生唐寶寶之間關係呢個議題?
其實,目前尚未有大型研究數據支持服用避孕藥同生唐寶寶之間嘅關係。
如果你計劃懷孕而有擔心嘅話,都建議你先同家庭醫生傾下,了解服用的避孕藥對你身體嘅作用,以及是否適宜懷孕。


#3

考慮係食yaz
同埋想問 有人話避孕藥同膽石有關 又係咪真


#4

你可以向醫生請教一下你嘅身體狀況適唔適合呢隻避孕藥,因為有啲你會見到網上有好多人討論唔同嘅避孕藥,評價都會好兩極,因為每個人嘅身體狀況同對藥物嘅反應都唔一樣。如果你係26歲之內,可以考慮去家計會嘅青少年保健診所,佢哋護士會同你檢查,仲可以安排覆診確保隻藥適合你。

至於同膽石有冇關,其實同生唐氏寶寶一樣,暫時都係無大量數據去支持之間嘅關係,只能夠講藥物對每個人嘅影響都好唔同,同埋有時生活習慣都會影響到身體狀況,一個有服用避孕藥嘅人生膽石都唔一定係因為佢食避孕藥,有好多好多可能性。