男友射精問題


#1

與男友多次性行為入面,佢只射過一次,其餘的做很久還是沒有射精,每次做到攰就無奈結束。會否因為他自慰得太密,或者做ge刺激比不上佢自慰ge刺激呢?有時都幾沮喪。


#2

遲左回覆唔好意思 :bowing_woman:

謝謝你既分享呀, 都聽得出你嘗試後但未如期望既失落感呀, 真係會無奈同無癮 :persevere:

如果你唔介意的話, 可唔可以分享多少少你地性方面係點嫁? 例如你地幾密有性愛呢? 你自己對性愛既感覺係點嫁? 伴侶呢? 另外, 有無前戲既習慣呢?

分享少少丫, 一個人性高潮與否, 係有很多因素影響既. 包括體力, 心情, 環境等等好多因素. 唔知你地有無機會就著呢個情況去溝通下, 了解下呢?

我自己每次性愛後都習慣同伴侶分享返自己既感受, 無論係好或唔好既感覺. 而佢都會回應返. 好多時我發覺係咁樣可以更準確去了解返對方既習慣同需要, 而唔會錯怪自己.

聽你講你伴侶有自慰既習慣, 所以你有少少擔心會唔會係咁樣影響左你地性生活既質素. 其實可以考慮直接同佢分享你有少少唔開心既情緒呀. 關係入面, 最重要都係尊重. 我相信喺恰當既表達下, 佢會明白你最希望可以改善大家性生活既滿足度, 而唔係要改變佢自慰既習慣 :wink:

都唔知嫁, 可能佢會因為你既分享, 而同你講多D自己既性需要同喜好? 可能了解過後, 只係簡單既調整就可以令你地都有enjoyable既性愛喇! :stuck_out_tongue:

希望以上可以俾到少少idea你啦. 歡迎你再留言呀 :blush:


#3

好多謝你ge回覆,我地性愛ge頻率都隔幾耐先一次,可能都三四個月先一次。不過我地都有溝通,但我擔心自己太想佢改變自慰ge習慣,反而會有壓力。


#4

多謝你坦白既分享呀 :relaxed:
而且好欣賞你其實都好尊重同重視段關係,怕做成壓力。

如果你唔介意,可唔可以講多少少你對自慰既睇法呢?
另外,你話多數既經驗係做好耐都沒有射精,大概係做左幾多分鐘呀?
而有性興奮,伴侶有射精既果次經驗又係點嫁?:slightly_smiling_face:


#5

我覺得男性自慰係為左戈一刻ge快感同刺激,睇片自慰可以有好多幻想,我會覺得另一半自慰戈陣會幻想同其他人,我一諗到佢可能會幻想同我身邊ge朋友戈陣會唔知點,每次做都至少有一個鐘以上,然後佢會體力不支,我都會覺得有點挫敗,好似做呢件事就為左要射精,感覺唔到好享受


#6

遲左覆唔好意思 :kissing:

明白了,多謝你坦白分享有關自慰既想法呀。聽到依到都覺得你哋個情況唔容易解決,未必係依到傾兩傾就有大改善。始終係兩個人嘅事,最需要係你哋兩個開心見誠咁溝通。

有關關係,可能未必可以喺呢度詳談。但有關性,喺呢個平台,希望可以俾以下另一個角度你參考下…

宜家香港社會既氣氛,性都未係一個大家會自在討論既話題。對你同你男朋友嚟講要咁傾係難,但你宜家都踏出左第一步!:clap: 我自己都有經歷過你講既情況,曾經對伴侶自慰既次數,同埋當時諗咩睇咩都好敏感同在意。亦會諗到會否我比唔上自慰,被取代。所以我都明白當中既不安感…

性愛,包括自慰都係好個人的事,無一個標準,例如話一星期幾次就係最好。其實都係聽從每個人自己身體同感受就好。

但我亦相信,兩個人親密接觸中既交流同自慰係兩碼子既事,不能被取替既。 我自己果陣係同伴侶溝通既過程中,發覺自慰同性愛既目的好唔一樣。自慰對我黎講係去滿足生理上性衝動 (sexual impulse) 既行為,而性愛就係有兩人既交流,接觸,感受/情緒喺入面。

回應返你講既情況,宜家係唔係有兩個難題?
一、知道男朋友自慰,個心有啲唔舒服,覺得可能會對大家做愛有影響;
二、做愛時間太長,好似為左射精咁,大家都唔係好享受到

以上係我睇法,你睇下係咪你既想法?

所以聽左咁耐,你可能都明白兩個人傾係好重要,但傾咩呢?點傾呢?某程度要你自己摸索,亦要有心理準備佢未必第一次就ready傾。你哋之前有冇傾過?如果你之前已經同佢傾過,唔介意的話可以分享多啲?希望你覺得依到係個舒服同安全嘅地方比你講。
你講多啲,我哋就可以再具體啲咁回應。見到你都想為關係努力,有時多啲溝通都可以令到件事好唔同。:slightly_smiling_face: