做愛中途發現個安全套穿左（無射），要唔要食事後葯？！而家第3日，好驚有bb…
你依家一定好擔心。
進行插入式性行為嘅話，即使無體內射精，要知道受性刺激而勃起嘅陰莖通常會自動流出一啲透明液體（尿道球腺液），裡面有機會有少量精子存在，雖然比直接係陰道內射精而懷孕嘅機會低好多，但唔能夠話零機會懷孕。
其實在發生性行為72小時（3日）／120小時（5日）之內服用事後丸，避孕的成功率都可以維持在85%！只要年齡介乎18-26歲之間，可以選擇聯繫家計會取得事後丸㗎～
留意返事後丸含有劑量較大嘅激素，所以服用事後丸之後，可能會出現噁心或不適等嘅副作用都係正常嘅。而係香港，事後避孕藥屬於醫生處方藥物，一般聲稱有售事後丸的藥房或網店，由於無醫生駐診，所以所賣的藥唔一定可靠。另外，部分私家診所都有事後丸，詳情要查詢個別醫生，再緊急的可以去急症室求診。
如果妳喺擔心嘅話，記得儘快諮詢合資格醫護人員嘅建議採取緊急避孕方法啦！希望可以解答到你最逼切嘅需要！