懷孕可能大唔大?

對上一次嚟m係1/9,我大概30-35日嚟一次m。
今日啱同男朋友發生性行為嘅時候有戴套,去到佢就射嘅時候佢拎咗出嚟、再chok多咗十幾下先射。
射完之後我地攬埋咗一舊,隔咗5分鐘先發現原來個套穿咗。。。我地都唔肯定係幾時穿咗😭
張床濕咗好大灘,我patpat位都有啲精,但係我唔肯定有冇精掂到陰道口/流咗入去,唯一肯定嘅係拎咗出嚟先至射🤦‍♀️
想問如果啲精液真係射咗喺陰部嘅正外面,懷孕嘅機會大唔大?我而家應該仲喺安全期,我用緊嘅app預計我7-8日排卵。

精液接觸陰部而導致懷孕嘅機會係唔大嘅,因為精子接觸空氣後嘅幾分鐘內就會大量死亡。但見你話事後發現個套穿左,雖然係體外射精,但喺性愛期間男性會分泌一啲透明液體,稱為尿道球腺液,而裏面係有少量精子存在嘅,雖然比直接喺陰道射精而懷孕嘅機會低好多,但都唔能夠話完全無機會,所以都建議你喺性行為嘅7至11日後驗孕,你可以買兩個牌子嘅驗孕棒驗,如果兩個係是陰性,就應該係無懷孕,或者可以去醫院驗血,結果都係好準確嘅。